გალერეა

ივანე ჯავახიშვილის სახელობის თბილისის სახელმწიფო უნივერსიტეტში მსოფლიოს ექიმთა ასოციაციის (WMA) 70-ე გენერალური ასამბლეა გაიხსნა. 21-26 ოქტომბერს ქ. თბილისში პირველად ტარდება მსოფლიოს ექიმთა ასოციაციის (WMA) 70-ე გენერალური ასამბლეა და საბჭოს 213-ე სხდომა. ღონისძიების მასპინძელია საქართველოს ექიმთა ასოციაცია (2002 წლიდან მსოფლიო ექიმთა ასოციაციის წევრი).

თბილისის სახელმწიფო უნივერსიტეტში გაიმართა  ერთობლივი კონფერენცია, რომელიც  პროექტის - " ქართულ-ნორვეგიული თანამშრომლობა საზოგადოებრივ ჯანდაცვაში"  ფარგლებში შესრულებული სამუშაოების ირგვლივ ჩატარებული აქტივობების მოხსენებას, ერთობლივი სამეცნიერო თანამშრომლობის შედეგების წარმოდგენას და სამომავლო გეგმების დასახვას  ეხებოდა. ნ ორვეგია-საქართველოს თანამშრომლობის ფარგლებში  არსებული  ნორვეგიის უმაღლესი განათლების მიმართულებით საერთაშორისო თანამშრომლობისა და ხარისხის გაუმჯობესების სააგენტოს (DIKU) მიერ დაფინანსებული პროექტის ვადა დ  განსაზღვრულია 2016-2021 წწ, დაფინანსების მოცულობით 600 000 ევრო. მიმდინარე პროექტში ჩართულები არიან ნორვეგიის ჩრდილოეთ არქტიკული უნივერსიტეტი - კოორდინატორი ინსტიტუცია (The Arctic University of Norway, UiT), ივანე ჯავახიშვილის სახელობის თბილისის სახელმწიფო უნივერსიტეტი (კოორდინატორი ინსტიტუცია საქართველოში), საქართველოს უნივერსიტეტი, დაავადებათა კონტროლისა და საზოგადოებრივი ჯანმრთელობის ეროვნული ცენტრი, UNICEF-ის საქართველოს წარმომადგენლობა და კომპანია CiTi. (პროექტის კოორდინატორი - ერიკ ანდა, ნორვეგიის ჩრდილოეთ არქტიკული უნივერსიტეტი), პროექტის კოორდინატორი საქართველოში - პროფ. ნინო ჩიხლაძე,  თსუ ).  თანამშრომლობის მიზანია პროექტში ჩართული ქართული უმაღლესი განათლების მიმწოდებელი ინსტიტუტების მიერ ინგლისურენოვანი, თანამედროვე მოთხოვნების შესაბამისი სამაგისტრო პროგრამების შემუშავება საზოგადოებრივ ჯანდაცვაში; რეგისტრებზე დაფუძნებული 3 სადოქტორო დისერტაციის დაცვა ნორვეგიის უნივერსიტეტის ბაზაზე; ერთობლივი კვლევების წარმოება; სტუდენტებისა და აკადემიური პერსონალის მოკლე და ხანგრძლივი პერიოდით გაცვლა; ერთობლივი სასწავლო კურსების შემუშავება; პოპულაციური რეგისტრების განვითარება; რეგისტრების ეპიდემიოლოგიის მიმართულებით გამოცდილების დაგროვება. 

 

ივანე ჯავახიშვილის სახელობის თბილისის სახელმწიფო უნივერსიტეტში ქართველ მასწავლებლებსა და მოსწავლეებს  სახალისო ექსპერიმენტებზე დაფუძნებული სწავლების მეთოდები  გაცნეს იულიხის კვლევითი ცენტრის სასკოლო ლაბორატორიის JULAB-ის წამყვანმა მასწავლებლებმა. თსუ-ში  5 დღის განმავლობაში გერმანელი სპეციალისტებმა ჩაატარეს.

უნივერსიტეტში გამართული ვორქშოფი მოიცავდა როგორც ექსპერიმენტულ, ისე თეორიულ ნაწილს. ქართველ მასწავლებლებსა და მოსწავლეებს შესაძლებლობა ექნებათ გერმანიაში გაემგზავრონ და საჩვენებელ გაკვეთილებს დაესწრონ.

თბილისის სახელმწიფო უნივერსიტეტის ხარისხის უზრუნველყოფის სამსახურის ინიციატივით თსუ სამეცნიერო ბიბლიოთეკაში  ჩატარდა  საინფორმაციო შეხვედრა პირველსემესტრელ დოქტორანტებთან. შეხვედრაზე ადმინისტრაციის წარმომადგენლებმა დოქტორანტებს გააცნეს ისეთი მნიშვნელოვან საკითხები, როგორიცაა: დოქტორანტურის საფეხურის გაცვლითი პროგრამები და გრანტები;  სამეცნიერო ფონდები; თსუ-ს ელექტრონული და ბეჭდური ჟურნალები; სამეცნიერო კონფერენციები; დოქტორანტის გზა ჩარიცხვიდან დაცვამდე; საბიბლიოთეკო რესურსებისა და სამეცნიერო ბაზების გამოყენება და აკადემიური წერის რესურსები; სტუდენტური პროექტების დაფინანსება.

ივანე ჯავახიშვილის სახელობის თბილისის სახელმწიფო უნივერსიტეტში საინტერესო შეხვედრა ჩატარდა თსუ კონფლიქტების ანალიზისა და მართვის სტუდენტებსა და აშშ ჯონს ჰოპკინსის უნივერსიტეტის კონფლიქტოლოგიის სამაგისტრო პროგრამის სტუდენტებს  შორის. შეხვედრაში მონაწილე ამერიკელი სტუდენტების  სამაგისტრო ნაშრომები ჩვენი რეგიონის  პრობლემებისადმია მიძღვნილი და ისინი ატარებენ შეხვედრებს სხვადასხვა რელევანტურ ჯგუფებთან.  

შეხვედრის მოდერატორებს წარმოადგენდნენ თსუ კონფლიქტების ანალიზისა და მართვის პროგრამის  ხელმძღვანელი პროფ. გუგული მაღრაძე და აშშ ჯორჯ მეისონის უნივერისიტეტის პროფესორი, ფულბრატის პროგრამის ფარგლებში თსუ-ს კონფლიქტების ანალიზისა და მართვის მომართულების მიერ მოწვევული მკვლევარი სუზენ ალენ ნენი.