ENG / GEO
ახალი ამბები განათლება მეცნიერება კულტურა და სპორტი გალერეა

გალერეა

1 2 3 ... 154 »
23/მაისი/2019
17 სურათი
ამერიკისმცოდნეობის მე-20 ყოველწლიური საერთაშორისო კონფერენცია
ამერიკისმცოდნეობის მე-20 ყოველწლიური საერთაშორისო კონფერენცია ამერიკელი ასტრონავტების ნილ არმსტრონგის და ბაზ ოლდრინის მთვარეზე გადასხდომის 50 წლისთავის აღსანიშნავად, ივანე ჯავახიშვილის სახელობის თბილისის სახელმწიფო უნივერსიტეტში ამერიკისმცოდნეობის მე-20 ყოველწლიური საერთაშორისო კონფერენცია გაიხსნა. თსუ ამერიკისმცოდნეობის ინსტიტუტისა და ამერიკის შესწავლის საქართველოს ასოციაციის მიერ ორგანიზებული კონფერენცია ქართულ-ამერიკულ ურთიერთობებს მიეძღვნა. ღონისძიებას თსუ რექტორი გიორგი შარვაშიძე, თსუ რექტორის მოადგილე ნინო ოკრიბელაშვილი, საქართველოში აშშ ელჩის მოადგილის მოვალეობის შემსრულებელი ჯეფ რენო, თსუ ამერიკისმცოდნეობის ინსტიტუტის ხელმძღვანელი ვასილ კაჭარავა, პროფესორ-მასწავლებლები და სტუდენტები ესწრებოდნენ.
ამერიკისმცოდნეობის მე-20 ყოველწლიური კონფერენცია 25 მაისს დდასრულდება. 

ნახვა »
23/მაისი/2019
8 სურათი
შეთანხმება თსუ-სა და საქართველოს საკანონმდებლო მაცნეს შორის
ივანე ჯავახიშვილის სახელობის თბილისის სახელმწიფო უნივერსიტეტსა და საქართველოს საკანონმდებლო მაცნეს შორის შეთანხმება გაფორმდა.
შეთანხმების თანახმად, თსუ იურიდიული ფაკულტეტის სტუდენტებს საქართველოს ნორმატიული აქტების ტექსტების ბეჭდურ ვერსიებზე წვდომის უკეთესი შესაძლებლობები ექნებათ. ამავე მიზნით, უნივერსიტეტის შენობაში განთავსდება საკანონმდებლო მაცნეს წიგნების თვითმომსახურების აპარატი, სადაც სტუდენტები, ასევე ნორმატიული აქტების ბეჭდური ვერსიებით დაინტერესებული სხვა პირები, შეძლებენ საკანონმდებლო მაცნეს მიერ გამოცემული ნორმატიული აქტების ტექსტების შეძენას ხელმისაწვდომი პირობებით.
ნახვა »
23/მაისი/2019
12 სურათი
ქართულ-აფხაზური ფილმის „ანიხა“ პრეზენტაცია თსუ-ში
ივანე ჯავახიშვილის სახელობის თბილისის სახელმწიფო უნივერსიტეტში გაიმართა ქართულ-აფხაზური დოკომენტური ფილმის „ანიხა“ პრეზენტაცია.  პრეზენტაციას თსუ რექტორი გიორგი შარვაშიძე, შერიგებისა და სამოქალაქო თანასწორობის საკითხებში საქართველოს სახელმწიფო მინისტრის მოადგილე ლია გიგაური, აფხაზური თემატიკით დაინტერესებული სამეცნიერო საზოგადოება,  პროფესორები, სტუდენტები დაესწრნენ. ფილმი გადაღებულია თსუ ქართულ–აფხაზურ ურთიერთობათა სამეცნიერო–კვლევითი ცენტრის,  საქართველოს მეცნიერებათა ეროვნული აკადემიის აფხაზური ენისა და კულტურის კომისიისა და ქართულ–აფხაზურ ურთიერთობათა ინსტიტუტის ერთობლივი პროგრამის  „გავიცნოთ აფხაზეთი“ ფარგლებში.  ფილმი „ანიხა“ აფხაზეთში ძველით ახალი წლის აღნიშვნას ეხება.
ნახვა »
22/მაისი/2019
5 სურათი
კრისტინ ლაგარდი სახელმწიფო ცერემონიების სასახლეში უმაღლესი სასწავლებლების სტუდენტებს შეხვდა
საერთაშორისო სავალუტო ფონდის მმართველი დირექტორი, კრისტინ ლაგარდი სახელმწიფო ცერემონიების სასახლეში უმაღლესი სასწავლებლების სტუდენტებს შეხვდა. შეხვედრაში აქტიურად მონაწილეობდნენ თბილისის ივანე ჯავახიშვილის სახელობის სახელმწიფო უნივერსიტეტის ეკონომიკისა და ბიზნესის ფაკულტეტის სტუდენტები.
ნახვა »
21/მაისი/2019
12 სურათი
კავკასიური მრავალფეროვნება - ფარაჯანოვი 95
ივანე ჯავახიშვილის სახელობის თბილისის სახელმწიფო უნივერსიტეტში გაიმართა კულტურული მრავალფეროვნების დღისადმი მიძღვნილი კვირეულის შემაჯამებელი ღონისძიება:  "კავკასიური მრავალფეროვნება  - ფარაჯანოვი 95“. 
ღონისძიებაზე წარმოდგენილი იყო კვირეულის ფარგლებში 1+4 პროგრამის სტუდენტების მონაწილეობით გადაღებული ფილმი: „ჩვენი ფარაჯანოვი“  (რეჟისორი ნინო გელოვანი). გაიმართა ასევე დისკუსია თემაზე: სერგო ფარაჯანოვი და მისი თბილისური მემკვიდრეობა“.
ღონისძიება ჩატარდა თსუ ახალგაზრდული ცენტრის ინიციატივით, პროექტის - „ტოლერანტობის,  სამოქალაქო ცნობიერებისა და ინტეგრაციის მხარდაჭერის პროგრამის (PITA)” ფარგლებში (ხორციელდება გაეროს ასოციაციის  (UNAG)  მიერ,  ამერიკის განვიტარების სააგენტო ( USAID) მხარდაჭერით).
ნახვა »
20/მაისი/2019
4 სურათი
პროფესორ ლალი ქეცბა-ხუნდაძის გერმანულ ენაზე შექმნილი ლექსების კრებული გერმანიაში გამოიცა
თსუ გერმანული ფილოლოგიის კათედრის ხელმძღვანელ, პროფესორ, დოქტორ ლალი ქეცბა-ხუნდაძის გერმანულ ენაზე შექმნილი ლექსების კრებული გერმანიაში გამოიცა. ლექსების კრებული "Spiel der Laute. Deutsche Lyrik aus Georgien" („ბგერების თამაში. გერმანული ლირიკა საქართველოდან“) 2018  წლის ივლისში გამოსცა  ცნობილმა გამომცემლობამ Grupello  ქ.დიუსელდორფში. 
ნახვა »
1 2 3 ... 154 »