ENG / GEO
ახალი ამბები განათლება მეცნიერება კულტურა და სპორტი გალერეა

გალერეა

« 1 ... 70 71 72 73 74 ... 117 »
19/სექტემბერი/2017
17 სურათი
ჩინეთის სოციალურ მეცნიერებათა აკადემიის დელეგაციის ვიზიტი თსუ-ში
ივანე ჯავახიშვილის სახელობის თბილისის სახელმწიფო უნივერსიტეტის რექტორმა გიორგი შარვაშიძემ, თსუ რექტორის მოადგილემ მიხეილ ჩხენკელმა, თსუ ადმინისტრაციის ხელმძღვანელმა ნუნუ ოვსიანიკოვამ ჩინეთის სოციალურ მეცნიერებათა აკადემიის დელეგაციას უმასპინძლეს, რომელსაც აკადემიის პრეზიდენტი ხელმძღვანელობდა. შეხვედრაზე მხარეებმა თბილისის სახელმწიფო უნივერსიტეტში ჩინეთის სწავლებათა ცენტრის დაარსებასთან დაკავშირებით ისაუბრეს, დაიგეგმა სამომავლო თანამშრომლობის პერსპექტივები.
ნახვა »
18/სექტემბერი/2017
23 სურათი
ახალი სასწავლო წელი თსუ-ში
ივანე ჯავახიშვილის სახელობის თბილისის სახელმწიფო უნივრსიტეტში ახალი სასწავლო წლის დაწყებასთან დაკავშირებით პირველკურსელების მიღების საზეიმო ღონისძიებები გაიმართა. სწავლის  დაწყება სტუდენტებს თსუ რექტორმა გიორგი შარვაშიძემ, რექტორის მოადგილემ მიხეილ ჩხენკელმა და ადმინისტრაციის ხელმძღვანელმა ნუნუ ოვსიანიკოვამ მიულოცეს.  ახალი სასწავლო წლის დაწყებასთან დაკავშირებით კომპანია „ჯეოსელმა“ თსუ-ს სტუდენტებისთვის ჯგუფ „არას“ კონცერტი გამართა.
ნახვა »
18/სექტემბერი/2017
8 სურათი
პროფესორ გეილ ვაიტფორდის საჯარო ლექცია
ივანე ჯავახიშვილის სახელობის თბილისის სახელმწიფო უნივერსიტეტში თსუ მედიცინის ფაკულტეტის ოკუპაციური თერაპიის მიმართულების ორგანიზებით პროფესორ გეილ ვაიტფორდის საჯარო ლექცია "თანამონაწილეობის გაზრდა არახელსაყრელ მდგომარეობაში მყოფი სტუდენტებისათვის" გაიმართა. პროფესორი გეილ  ვაიტფორდი ოკუპაციურ თერაპიასა და ოკუპაციურ მეცნიერებაში წამყვანი მკვლევარია, დაჯილდოებულია საერთაშორისო პრემიებით.
ნახვა »
17/სექტემბერი/2017
19 სურათი
"მედეა მსოფლიოს მხატვრულ კულტურაში"
ქართულ-ბერძნული დიპლომატიური ურთიერთობების 25 წლისთავს და თსუ კლასიკური ფილოლოგიის, ბიზანტინისტიკისა და ნეოგრეცისტიკის ინსტიტუტის 20 წლისთავს მიეძღვნა სამდღიანი საერთაშორისო კონფერენცია "მედეა მსოფლიოს მხატვრულ კულტურაში, რომელიც ივანე ჯავახიშვილის სახელობის თბილისის სახელმწიფო უნივერსიტეტში" გაიხსნა. კონფერენციაში 60-ზე მეტი მეცნიერი მონაწილეობდა ხუთი კონტინენტის 13 ქვეყნიდან. კონფერენციის პარალელურად ჩატარდა გამოფენები „ქართულ-ბერძნული დიპლომატიური ურთიერთობები“, „მედეა ქართულ მხატვრობაში“, ფოტოგამოფენა „მედეა ქართულ სცენაზე“, ასევე 20 წლის განმავლობაში კლასიკური ფილოლოგიის, ბიზანტინისტიკისა და ნეოგრეცისტიკის  მიმართულებით გამოცემული წიგნების ექსპოზიცია.


ნახვა »
15/სექტემბერი/2017
18 სურათი
მაგისტრატურის კურსდამთავრებულთა გამოშვება 2017
ივანე ჯავახიშვილის სახელობის თბილისის სახელმწიფო უნივერსიტეტში მაგისტრატურის 2017 წლის კურსდამთავრებულთა გამოშვების საზეიმო ღონისძიება გაიმართა. თსუ მაგისტრატურა წელს 1000-მდე სტუდენტმა დაამთავრა. ცერემონიას თსუ რექტორი გიორგი შარვაშიძე, აკადემიური საბჭოს წევრები, ფაკულტეტების დეკანები, აკადემიური წრეების წარმომადგენლები და მოწვეული სტუმრები დაესწრნენ. საზეიმო ღონისძიებაზე სტუდენტური ჰიმნის „გაუდიამუსის“ ორიგინალური ვერსია „TSU Art“-მა და ვაჟთა ვოკალურმა ანსამბლმა „უნივერსიტეტმა“ წარმოადგინეს.
ნახვა »
14/სექტემბერი/2017
8 სურათი
გაიმართა პროფესორ ლევან ალექსიძის საპატივცემულოდ მოწვეული საერთაშორისო სიმპოზიუმი
ივანე ჯავახიშვილის სახელობის თბილისის სახელმწიფო უნივერსიტეტის საერთაშორისო სამართლის ინსტიტუტის, ლონდონის პოლიტიკურ და ეკონომიკურ მეცნიერებათა სკოლისა (LSE) და მელბურნის უნივერსიტეტის თანამშრომლობით, პროფესორ ლევან ალექსიძისადმი მიძღვნილი საერთაშორისო სიმპოზიუმი გაიმართა. ღონისძიებით  გაიხსნა თსუ საერთაშორისო სამართლის ინსტიტუტის 2017-2018 სასწავლო წლის საჯარო ლექციების წყება. ასევე, ეს პირველია ღონისძიებათა ციკლში, რომელიც „ცივი ომის“ დროინდელ საერთაშორისო სამართალს ეძღვნება და თსუ-სთან ერთად, საქართველოს საგარეო საქმეთა სამინისტრო და მწერალთა სახლი მასპინძლობს.



ნახვა »
« 1 ... 70 71 72 73 74 ... 117 »