ENG / GEO
ახალი ამბები განათლება მეცნიერება კულტურა და სპორტი თსუ მედიაში გალერეა

გალერეა

« 1 ... 70 71 72 73 74 ... 90 »
28/მარტი/2017
10 სურათი
ნიკოლოზ ბარათაშვილის დაბადებიდან 200 წლისთავისადმი მიძღვნილი საღამო
ივანე ჯავახიშვილის სახელობის თბილისის სახელმწიფო უნივერსიტეტში ნიკოლოზ ბარათაშვილის დაბადებიდან 200 წლისთავისადმი მიძღვნილი ღონისძიება გაიმართა. თსუ ჰუმანიტარულ მეცნიერებათა ფაკულტეტის ფრანგული ფილოლოგიის კათედრამ სტუდენტების მონაწილეობით წარმოადგინა ნიკოლოზ ბარათაშვილის ცხოვრებისა და შემოქმედების ამსახველი თეატრალიზებული საღამო.
ნახვა »
28/მარტი/2017
5 სურათი
„დედამიწის კალენდარი“
ივანე ჯავახიშვილის სახელობის თბილისის სახელმწიფო უნივერსიტეტის ახალგაზრდულ ცენტრში პროექტ „დედამიწის კალენდრის“ დახურვის საზეიმო ღონისძიება გაიმართა. პროექტი მიზნად ისახავდა ქართულ ენაში მომზადების საგანმანათლებლო პროგრამის  სტუდენტებისათვის თანამედროვე მეთოდების საფუძველზე, სასწავლო რესურის შექმნასა და დანერგვას, რაც სასწავლო პროცესზე კალენდარული ფორმატის მორგებას გულისხმობს. დახურვის ღონისძიებაზე წარმოდგენილი იყო პროექტის მოკლე აღწერა, სრული ანგარიში, პროექტის ფარგლებში მომზადებული სასწავლო რესურსი, „დედამიწის კალენდარი“ და სტუდენტების მიერ მომზადებული ვიდეორგოლი  განხორციელებული აქტივობების შესახებ.
ნახვა »
25/მარტი/2017
11 სურათი
ინგლისური ენის მართლწერის კონკურსის ეროვნული-საფინალო რაუნდი
ივანე ჯავახიშვილის სახელობის თბილისის სახელმწიფობუნივერსიტეტში ინგლისური ენის მართლწერის კონკურსის ეროვნული-საფინალო რაუნდი გაიმართა. „ინგლისურის ენის მართლწერის  ნაციონალური კონკურსი“ (NESC-GE) ამერიკული პროექტის, “Spelling BEE”-ს ანალოგია და წელს უკვე მეხუთედ გაიმართა საქართველოში. მასში ჩართულნი იყვნენ მე-8 - მე-12 კლასის მოსწავლეები საქართველოს 12 რეგიონიდან. მონაწილეები ერთმანეთს რთული ინგლისური სიტყვების დამარცვლაში ეჯიბრებოდნენ. კონკურსი უნიკალურ შესაძლებლობებს აძლევს ქართველ მოსწავლეებს და მათ მასწავლებლებს გაიუმჯობესონ ინგლისური ენის უნარები და წარმოაჩინონ თავიანთი სკოლა.
ნახვა »
25/მარტი/2017
16 სურათი
საბერძნეთის დამოუკიდებლობის დღისადმი მიძღვნილი საღამო
ივანე ჯავახიშვილის სახელობის თბილისის სახელმწიფო უნივერსიტეტის კლასიკური ფილოლოგიის, ბიზანტინისტიკისა და ნეოგრეცისტიკის ინსტიტუტმა საბერძნეთის დამოუკიდებლობის დღისადმი მიძღვნილი საღამო გამართა. ღონისძიებით გაიხსნა თსუ კლასიკური ფილოლოგიის, ბიზანტინისტიკისა და ნეოგრეცისტიკის ინსტიტუტის საიუბილეო წელი და კულტურულ-საგანმანათლებლო ფესტივალი „ოქროს საწმისი“. საღამოზე ასევე გაიმართა კონცერტი თსუ ქორეოგრაფიული ანსამბლისა და საქართველოს ბერძნული ფედერაციის კულტურული ცენტრის მონაწილეობით.
ნახვა »
24/მარტი/2017
16 სურათი
თსუ ევროპული კვლევების ინსტიტუტის დაარსებიდან 10 წლის საიუბილეო ღონისძიება
ივანე ჯავახიშვილის სახელობის თბილისის სახელმწიფო უნივერსიტეტის ევროპული კვლევების ინსტიტუტის დაარსებიდან 10 წლის და რომის ხელშეკრულების ხელმოწერიდან 60 წლის საიუბილეო ღონისძიება „ევროკავშირი 60. ევროკავშირის წარსული, აწმყო და მომავალი" გაიმართა. 2007 წლიდან დღემდე რამდენიმე ასეულმა სტუდენტმა წარმატებით დაამთავრა თსუ ევროპისმცოდნეობის სასწავლო პროგრამა და ასევე წარმატებით დასაქმდა საჯარო სექტორში, საერთაშორისო თუ არასამთავრობო ორგანიზაციებში. ღონისძიების ფარგლებში თსუ ევროპული კველევების ინსტიტუტის კურსდამთავრებულებს დიპლომები გადაეცათ.


ნახვა »
23/მარტი/2017
18 სურათი
საქართველოს ეკლესიის ავტოკეფალიის აღდგენის 100 წლისთვისადმი მიძღვნილი ღონისძიებები თსუ-ში
ივანე ჯავახიშვილის სახელობის თბილისის სახელმწიფო უნივერსიტეტში საქართველოს ეკლესიის ავტოკეფალიის აღდგენის 100 წლისთავისადმი მიძღვნილი სამეცნიერო კონფერენცია და გამოფენა გაიმართა. კონფერენციაში მონაწილე საქართველოს სხვადასხვა უმაღლესი სასწავლებლის პროფესორ-მასწავლებლებმა, დოქტორანტებმა, საპატრიარქოს წარმომადგენლებმა წაიკითხეს მოხსენებები ქართული ეკლესიის ავტოკეფალიის აღდგენის საეკლესიო და ისტორიულ რეალიებზე; ამ საკითხთან დაკავშირებულ საზოგადოებისთვის უცნობ ფაქტებზე. ღონისძიების ფარგლებში გახსნილ გამოფენაზე ,,ავტოკეფალია 100“ წარმოდგენილი იყო თსუ ბიბლიოთეკასა და მუზეუმში დაცული საეკლესიო უნიკალური გამოცემები და ხელნაწერები. აგრეთვე, ავტოკეფალიის აღდგენის პროცესში მონაწილე იმ სასულიერო პირების ფოტოები და მათი მოღვაწეობის ამსახველი დოკუმენტები, რომლებიც შემდგომში სხვადასხვა დროს საქართველოს პატრიარქები გახდნენ.
ნახვა »
« 1 ... 70 71 72 73 74 ... 90 »