ENG / GEO
ახალი ამბები განათლება მეცნიერება კულტურა და სპორტი თსუ მედიაში გალერეა მულტიმედია

გალერეა

« 1 ... 55 56 57 58 59 »
13/დეკემბერი/2016
5 სურათი
დოცენტ ელენა სიჩენკოს საჯარო ლექცია თსუ-ში
ივანე ჯავახიშვილის სახელობის თბილისის სახელმწიფო უნივერსიტეტში, იურიდიული ფაკულტეტის თანამედროვე კერძო სამართლის ინსტიტუტისა და ა(ა)იპ – თანამედროვე შრომის სამართლის ცენტრის ორგანიზებით, გაიმართა სანქტ-პეტერბურგის სახელმწიფო პოლიტექნიკური უნივერსიტეტის დოცენტის, ელენა სიჩენკოს, საჯარო ლექცია თემაზე – ადამიანის უფლებათა ევროპული კონვენცია, როგორც შრომის სამართლის წყარო. ღონისძიებას ესწრებოდნენ საქართველოს საერთო სასამართლოების მოსამართლეები, პროფესორ-მასწავლებლები და სტუდენტები.

ნახვა »
12/დეკემბერი/2016
6 სურათი
თსუ ახალგაზრდული ცენტრი ერთი წლისაა
ივანე ჯავახიშვილის სახელობის თბილისის სახელმწიფო უნივერსიტეტში „თსუ ახალგაზრდულმა ცენტრმა“ 1 წლის განმავლობაში გაწეული სამუშაოს ანგარიში წარმოადგინა. ღონისძიების ფარგლებში, თსუ მეშვიდე კორპუსში ქართულ ენაში მომზადების საგანმანათლებლო პროგრამის სტუდენტთათვის დაიდგა “პიტას სურვილების ყუთი“, რომელშიც პროგრამის მონაწილეებს შეეძლებათ თავიანთი იდეების წერილობითი ფორმით განთავსება.
ღონისძიება ჩატარდა "ტოლერანტობის, სამოქალაქო ცნობიერებისა და ინტეგრაციის მხარდაჭერის პროგრამის" [PITA] ფარგლებში, რომელსაც ახორციელებს საქართველოს გაეროს ასოციაცია (UNAG), აშშ-ს საერთაშორისო განვითარების სააგენტოს (USAID) ფინანსური მხარდაჭერით. პროგრამის პარტნიორი ორგანიზაციები არიან „სამოქალაქო ინტეგრაციისა და ეროვნებათშორისი ურთიერთობების ცენტრი“ CCIIR და ივანე ჯავახიშვილის სახელობის თბილისის სახელმწიფო უნივერსიტეტი, რომლებიც თსუ ახალგაზრდული ცენტრის ფუნქციონირებას უზრუნველყოფენ.
ნახვა »
8/დეკემბერი/2016
5 სურათი
,,ვეფხისტყაოსნის’’ შექმნიდან 850-ე წლისთავისადმი მიძღვნილი კონფერენცია
ივანე ჯავახიშვილის სახელობის თბილისის სახელმწიფო უნივერსიტეტში ,,ვეფხისტყაოსნის’’ შექმნიდან 850-ე წლისთავისადმი მიძღვნილი საერთაშორისო სამეცნიერო კონფერენცია გაიმართა. ღონისძიებაზე წარმოდგენილი იყო მოხსენებები ვეფხისტყაოსნის უკრაინული და უცხოური თარგმანების, ქართულ-უკრაინული ლიტერატურული ურთიერთობების  შესახებ. კონფერენციის ფარგლებში  გაიმართა თსუ-სა და კიევის სახელმწიფო უნივერსიტეტს შორის არსებული ურთიერთთანამშრომლობის ხელშეკრულების ფარგლებში მომზადებული თარგმანების  კრებულის "ენა ზეციური"  და პოემის უკრაინული თარგმანის აუდიო ჩანაწერის პრეზენტაცია. კონფერენციას ესწრებოდნენ მეცნიერები სხვადასხვა ქვეყნიდან, ძირითადად უკრაინიდან. კონფერენცია ჰუმანიტარულ მეცნიერებათა ფაკულტეტის, უკრაინისტიკის ინსტიტუტისა და საქართველოს ლიტერატურთმცოდნეობის აკადემიის ორგანიზებით ჩატარდა.


ნახვა »
8/დეკემბერი/2016
5 სურათი
კავკასიის ქვეყნების ოკუპაციურ თერაპევტთა III საერთაშორისო კონფერენცია
ივანე ჯავახიშვილის სახელობის თბილისის სახელმწიფო უნივერსიტეტმა და საქართველოს ოკუპაციურ თერაპევტთა ასოციაციამ კავკასიის ქვეყნების ოკუპაციურ თერაპევტთა III საერთაშორისო კონფერენციას უმასპინძლა. ღონისძიება თბილისის სახელმწიფო უნივერსიტეტში ოკუპაციური თერაპიის სწავლების მეათე წლისთავს ეძღვნება. თსუ ქვეყნის მასშტაბით ერთადერთი საგანმანათლებლო დაწესებულებაა, სადაც ოკუპაციური თერაპია ისწავლება. კონფერენციის ძირითადი მიზანია ოკუპაციური თერაპიის სწავლების ათწლიანი გამოცდილების შეფასება სხვადასხვა ქვეყნის გამოცდილებათა გაანალიზების ფონზე, საერთაშორისო პროექტების ინიცირება და რეგიონში ოკუპაციური თერაპიის ცნობადობის დონის ამაღლება.

ნახვა »
7/დეკემბერი/2016
7 სურათი
სამეცნიერო კონფერენცია გენდერის კვლევაში - ,,ქალთა ჩართულობა პოლიტიკაში და ქალთა უფლებების პოლიტიკა"
ივანე ჯავახიშვილის სახელობის თბილისის სახელმწიფო უნივერსიტეტმა უმასპინძლა მე-8 ყოველწლიურ სამეცნიერო კონფერენციას გენდერის კვლევაში - ,,ქალთა ჩართულობა პოლიტიკაში და ქალთა უფლებების პოლიტიკა". კონფერენცია ტარდება თსუ გენდერის კვლევების ინსტიტუტისა და სოციალურ მეცნიერებათა ცენტრის ორგანიზებით. კონფერენციაზე მკლევრებმა წარმოადგინეს საკუთარი ნაშრომები, როგორც ქალთა პოლიტიკური ჩართულობისა და აქტივიზმის შესახებ, ისე ქალთა უფლებების პოლიტიკის საკითხებზე, როგორც საქართველოში ისე საზღვარგარეთ, სხვადასხვა ეპოქასა და კონტექსტში.
ნახვა »
7/დეკემბერი/2016
7 სურათი
კვლევითი პროექტის პრეზენტაცია
ივანე ჯავახიშვილის სახელობის თბილისის სახელმწიფო უნივერსიტეტში თსუ ეკონომიკისა და ბიზნესის ფაკულტეტის ორგანიზებით მოეწყო კვლევითი პროექტის ,,საქართველოს საგარეო სავაჭრო ბალანსის გაუმჯობესების ძირითადი მიმართულებების" განხილვა.  ღონისძიებას თსუ-ს პროფესორები, სტუდენტები და მოწვეული სტუმრები ესწრებოდნენ.
ნახვა »
« 1 ... 55 56 57 58 59 »