ENG / GEO
ახალი ამბები განათლება მეცნიერება კულტურა და სპორტი თსუ მედიაში გალერეა მულტიმედია

გალერეა

« 1 ... 42 43 44 45 46 ... 72 »
19/მაისი/2017
9 სურათი
ვახტანგ კოტეტიშვილის „წერილების“ წარდგინება
ივანე ჯავახიშვილის სახელობის თბილისის სახელმწიფო უნივერსიტეტში გაიმართა ვახტანგ კოტეტიშვილის „წერილების“ წარდგინება. გამოცემაზე ისაუბრებეს რეცენზენტებმა:თამარ შარაბიძე (ფილოლოგი, ასოცირებული პროფესორი), ნინო პოპიაშვილი (ფილოლოგიის დოქტორი), ნაირა ბეპიევი (ფილოლოგიის დოქტორი, პროფესორი). კრებული ვახტანგ კოტეტიშვილის წერილების პირველ პუბლიკაციებსა და რეპუბლიკაციებს წარმოადგენს, რომელიც მეოცე საუკუნის 10-20-იანი წლების პრესამ და ვახტანგ კოტეტიშვილის პირადმა არქივმა შემოგვინახა. წერილები როგორც კონკრეტული პიროვნების, ასევე იმ რთული და წინააღმდეგობრივი ეპოქის უტყუარი სურათია. კრებული შეადგინა, გამოსაცემად მოამზადა, წინასიტყვაობა და კომენტარები დაურთო ნონა კუპრეიშვილმა. რედაქტორები: ამირან არაბული, ნანა კოტეტიშვილი, თამარ ლონდარიძე. წიგნი გამოიცა თბილისის მერიის კულტურული ღონისძიებების ცენტრის მხარდაჭერით.
ნახვა »
18/მაისი/2017
9 სურათი
კონფერენცია „სტუდენტები-მოსწავლეებისათვის“
ივანე ჯავახიშვილის სახელობის თბილისის სახელმწიფო უნივერსიტეტში თსუ იურიდიული ფაკულტეტის სისხლის სამართლის მიმართულებისა და თინათინ წერეთლის სახელობის სტუდენტთა სამეცნიერო საზოგადოების ორგანიზებით კონფერენცია „სტუდენტები- მოსწავლეებისათვის“ გაიმართება. კონფერენციის ფარგლებში იურიდიული ფაკულტეტის სტუდენტებმა წარმოადგინეს თემები, რომლებშიც განხილული იყო სისხლის სამართლის მნიშვნელოვანი საკითხები. კონფერენციის შემდეგ, სპეციალურად შექმნილმა კომისიამ, წინასწარ შემუშავებული კრიტერიუმების საფუძველზე გამოავლინა  საუკეთესო ნაშრომები, რომლებიც გამოქვეყნდება ჟურნალის - „სისხლის სამართლის აქტუალური პრობლემების“ პირველ ნომერში. ასევე, გამარჯვებული სტუდენტები სტაჟირებას გაივლიან თბილისის საკრებულოში.
ნახვა »
18/მაისი/2017
5 სურათი
საერთაშორისო ინოვაციური კომისიის წევრთა სტუმრობა ფაბლაბში
ივანე ჯავახიშვილის სახელობის თბილისის სახელმწიფო უნივერსიტეტის ფაბ ლაბს ფრანკოფონ მერთა და ქალაქთა საერთაშორისო ასოციაციის ინოვაციური კომისიის წევრები ესტუმრნენ. კომისიის წევრები ლაბორატორიის საქმიანობას და განხორციელებულ პროექტებს გაეცნენ. საკუთარ ქალაქებში განხორციელებული ინოვაციური პროექტები ქალაქ ნანტის, პარიზის, ჟენევის, ლიეჟისა და აბიჯანის წარმომადგენლებმაც წარადგინეს.
ნახვა »
18/მაისი/2017
18 სურათი
„ვისწავლოთ ქართული“
ივანე ჯავახიშვილი სახელობის თბილისის სახელმწიფო უნივერსიტეტის  პროგრამა „ვისწავლოთ ქართულის“ ფარგლებში ქალაქ თბილისი საკრებულოში სერტიფიკატების საზეიმო გადაცემა გაიმართა.პირველად 2017 წლის კურსის საგაზაფხულო სესიის ფარგლებში მეცადინეობები ჩატარდა ქალაქ თბილისის საკრებულოსთან არსებულ „მეგობრობის სახლშიც“. მეცადინეობებს ესწრებოდნენ თბილისში მცხოვრები რუსული, უკრაინული, პოლონური და ლიტვური დიაპორის წარმომადგენლები. უმეტესობამ გადალახა ტესტური დავალების მაღალი ზღვარი და დაიმსახურა კურსის პირველი საფეხურის გავლის დამადასტურებელი სერტიფიკატი.
ნახვა »
17/მაისი/2017
6 სურათი
საჯარო ლექცია "ვინ არის ასწლოვანი მატიანის ავტორი ე.წ. ჟამთააღმწერელი"
ივანე ჯავახიშვილის სახელობის თბილისის სახელმწიფო უნივერსიტეტში საჯარო ლექცია "ვინ არის ასწლოვანი მატიანის ავტორი ე.წ. ჟამთააღმწერელი" გაიმართა. ლექცია ივანე ჯავახიშვილის სახელობის ისტორიისა და ეთნოლოგიის ინსტიტუტის დირექტორმა ვაჟა კიკნაძემ წაიკითხა.
ნახვა »
17/მაისი/2017
11 სურათი
აკაკი შანიძის დაბადებიდან 130 წლისთავისადმი მიძღვნილი საიუბილეო საღამო თსუ-ში
ივანე ჯავახიშვილის სახელობის თბილისის სახელმწიფო უნივერსიტეტის ერთ-ერთი დამფუძნებლის, დიდი მეცნიერის, აკადემიკოს აკაკი შანიძის დაბადებიდან 130 წლისთავისადმი მიძღვნილი საიუბილეო საღამო გაიმართა. საღამოზე გაზეთ ,,თბილისის უნივერსიტეტის” რედაქციის მიერ მომზადებული კრებულის ,,აკაკი შანიძე-ქართული საქმის კაცი” პრეზენტაცია გაიმართა. კრებულის შემდგენელი და რედაქტორია გაზეთ ,,თბილისის უნივერსიტეტის” რედაქტორი ნინო კაკულია; რეცენზენტი-რედაქტორია ავთანდილ არაბული. კრებულის წარდგენის შემდეგ გაიმართა ფილმის ,,აკაკი შანიძე” ჩვენება. ფილმი მომზადებულია პროექტის ,,მათ შექმნეს უნივერსიტეტი” ფარგლებში (სამხატვრო ხელმძღვანელია მერაბ კოკოჩაშვილი).

ნახვა »
« 1 ... 42 43 44 45 46 ... 72 »