გალერეა

თბილისის სახელმწიფო უნივერსიტეტში გაიხსნება პორტუგალიური ენის კვირეული. თსუ-კამოეშის პორტუგალიური ენისა და კულტურის ცენტრი და ბრაზილიის საელჩო საქართველოში, 10 ივნისიდან 14 ივნისის ჩათვლით, აღნიშნავს პორტუგალიური ენის კვირეულს, რომლის ფარგლებში გაიმართება კულტურული და საგანმანათლებლო ღონისძიებები. კვირეულის ფარგლებში გაიმართება პორტუგალიური და ბრაზილიური ფილმების ჩვენება,  მოეწყობა გამოფენები და მუსიკალური საღამოები. 

თბილისის ივანე ჯავახიშვილის სახელობის სახელმწიფო უნივერსიტეტის მედიცინის ფაკულტეტის ორგანიზებით გაიმართა რეზიდენტთა კლინიკური კონფერენცია „მედიცინა კლასიკურ საუნივერსიტეტო განათლებაში“.

კონფერენცია წარიმართა რამდენიმე სესიად: უროლოგია, მეანობა-გინეკოლოგია, სტომატოლოგია, დერმატო-ვენეროლოგია, ინფექციური სნეულებები. გახსნის ცერემონიას ესწრებოდნენ თსუ რექტორი გიორგი შარვაშიძე, თსუ რექტორის მოადგილე ნინო ოკრიბელაშვილი, ჯანდაცვის მინისტრის მოადგილე ზაზა ბოხუა, თსუ პროფესორები და სტუდენტები. 

თბილისისი სახელმწიფო უნივერსიტეტის მუზეუმში გაიხსნა მხატვარ - ავთანდილ აშვეთიას ნამუშევრების პერსონალური გამოფენა. გამოფენა ეძღვნება საქართველოსა და ლატვიის დამოუკიდებლობის 100 წლის იუბილეს. მასზე წარმოდგენილი ფერწერული ტილოები წლების მანძილზე შეიქმნა რიგაში მოღვაწე ქართველი მხატვრის მიერ. დამთვალიერებელმა იხილა ქართულ და ლატვიურ თემაზე შექმნილ ფერწერულ ტილოებს.
გამოფენას ლატვიის რესპუბლიკის საგანგებო და სრულუფლებიანი ელჩი საქართველოში ინგრიდა ლავრენცა, თსუ სტუდენტები, პროფესორები და მოწვეული სტუმრები ესწრებოდნენ.

თსუ მორფოლოგიის ინსტიტუტში სამეცნიერო-პრაქტიკული კონფერენცია: „ხელოვნური საპერფუზიო აპარატები და ორგანოთა „in situ” კონსერვაცია“ გაიმართა. კონფერენცია შოთა რუსთაველის სამეცნიერო ფონდის მიერ დაფინანსებული საგარანტო პროექტის „საპერფუზიო სისტემით ორგანითა  „in situ” კონსერვაციის ახალი მეთოდი (ექსპერიმენტული კვლევა) ფარგლებში ჩატარდა. 

თბილისის ივანე ჯავახიშვილის სახელობის სახელმწიფო უნივერსიტეტში ნორვეგიულ-ქართული კანონის უზენაესობის ასოციაციისა და თსუ-ის იურიდული ფაკულტეტის კრიმინოლოგიის ინსტიტუტთან თანამშრომლობის ფარგლებში და ნორვეგიის საგარეო საქმეთა სამინისტროს ფინანსური მხარდაჭერით ჩატარდა ნორვეგიელი პროფესორის ტორე ბიორგოს წიგნის: „დანაშაულის პრევენცია. ყოვლისმომცველი მიდგომა“ პრეზენტაცია და კონფერენცია დანაშაულის პრევენციის აქტუალურ საკითხებზე ნორვეგიელი და ქართველი მომხსენებლების მონაწილეობით.

წიგნის თარგმანი ეკუთვნის უშანგი ბახტაძეს, ხოლო წიგნის რედაქტორები არიან გიორგი გიორგაძე და მორის შალიკაშვილი.