გალერეა

ივანე ჯავახიშვილის სახელობის თბილისის სახელმწიფო უნივერსიტეტში და ზამთრის სამთო-სათხილამურო კურორტ გუდაურში მეორე საერთაშორისო სამეცნიერო კონფერენცია „აღმოსავლეთ საქართველოს მთიანეთის ისტორია და სიძველეები“ გაიმართა. კონფერენცია მიეძღვნა უწმინდესისა და უნეტარესის, სრულიად საქართველოს კათოლიკოს-პატრიარქის ილია II-ს აღსაყდრების 40-ე საიუბილეო წლისთავს. კონფერენციაზე წარმოადგენილ მოხსენებებში განხილული იყო აღმოსავლეთ საქართველოს მთიანეთის ისტორიის, ისტორიული გეოგრაფიის, არქეოლოგიის, ეპიგრაფიკის, ხელოვნებათმცოდნეობის, კოდიკოლოგიის, ეთნოლოგიის, ნუმიზმატიკის, ფილოლოგიის, დემოგრაფიისა და რელიგიის საკითხები. ფორმუმში მონაწილეობდა ქართველი და უცხოელი სპეციალისტები, ასევე ახალგაზრდა მეცნიერები. მნიშვნელოვანი იყო მათი გამოცდილების გაზიარება, მათ მიერ შესწავლილი მთის ისტორიის, სოციალური, ეკონომიკური და პოლიტიკური თავისებურებების გაცნობა.

ივანე ჯავახიშვილის სახელობის თბილისის სახელმწიფო უნივერსიტეტის საერთაშორისო ურთიერთობების კათედრის/დეპარტამენტის დაარსებიდან 25 წლისთავისადმი მიძღვნილი ღონისძიება გაიმართა. ღონისძიებას თსუ რექტორი გიორგი შარვაშიძე, საგარეო საქმეთა მინისტრი მიხეილ ჯანელიძე, შერიგებისა და სამოქალაქო თანასწორობის საკითხებში სახელმწიფო მინისტრი ქეთევან ციხელაშვილი, მიმართულების კურსდამთავრებულები საქართველოს აღმასრულებელი და საკანონმდებლო ხელისუფლებებიდან, სხვადასხვა უწყებიდან, უნივერსიტეტებიდან, არასამთავრობო ორგანიზაციებიდან, მოწვეული სტუმრები დაესწრნენ.

ივანე ჯავახიშვილის სახელობის თბილისის სახელმწიფო უნივერსიტეტის საკალათბურთო გუნდი „თსუ ჰიუნდაი“ სეზონს განახლებული შემადგენლობითა და ახალი მიზნებით იწყებს. კომპანია „ჰიუნდაი ავტო საქართველოს“ დახმარებით თსუ საკალათბურთო გუნდს სამი ლეგიონერი შეემატა ამერიკის სტუდენტური საკალათბურთო ლიგიდან. თსუ-სა და გუნდის გენერალურ სპონსორს „ჰიუნდაი ავტო საქართველოს“ შორის ურთიერთთანამშრომლობის მემორანდუმი გაფორმდა. მემორანდუმს ხელი მოაწერეს თსუ რექტორმა გიორგი შარვაშიძემ და კომპანია „ჰიუნდაი ავტო საქართველოს“ დირექტორმა დავით გიორგობიანმა.

ივანე ჯავახიშვილის სახელობის თბილისის სახელმწიფო უნივერსიტეტის კლასიკური ფილოლოგიის, ბიზანტინისტიკისა და ნეოგრეცისტიკის ინსტიტუტს საბერძნეთის რესპუბლიკის საგარეო საქმეთა მინისტრის მოადგილე ბ-ნ ტერენს კვიკი ეწვია. ტერენს კვიკმა წაიკითხა მოხსენება თემაზე: „ენა და კულტურა მსოფლიო ბერძნების შემაერთებელი რგოლები”.

ივანე ჯავახიშვილის სახელობის თბილისის სახელმწიფო უნივერსიტეტში გამოჩენილი ქართველი მეცნიერის, აკადემიკოს გიორგი თვალჭრელიძის დაბადებიდან 100 წლისთავისადმი მიძღვნილი სამეცნიერო სესია გაიმართა. კონფერენციაში ქართველმა და უცხოელმა მეცნიერებმა მიიღეს მონაწილეობა. ღონისძიება ივანე ჯავახიშვილის სახელობის თბილისის სახელმწიფო უნივერსიტეტის, საქართველოს საბუნებისმეტყველო მეცნიერებათა აკადემიის, საქართველოს გეოლოგიური მომსახურების ცენტრის, თსუ კავკასიის ალექსანდრე თვალჭრელიძის მინერალური ნედლეულის ინსტიტუტისა და თსუ მიხეილ ნოდიას გეოფიზიკის ინსტიტუტის ორგანიზებით გაიმართა.