ENG / GEO
ახალი ამბები განათლება მეცნიერება კულტურა და სპორტი თსუ საკითხავი გალერეა

გალერეა

« 1 ... 162 163 164 165 166 ... 196 »
30/მაისი/2017
13 სურათი
პრაქტიკული კურსი "როგორ დავიწყო სტარტაპი?"
ივანე ჯავახიშვილის სახელობის თბილისის სახელმწიფო უნივერსიტეტში გაიმართა პრაქტიკული კურსი „როგორ დავიწყო სტარტაპი?“ პრაქტიკულ კურსზე განხილული იყო თემები: რა არის Start Up?, სახელმწიფო პროგრამები და მხარდაჭერა სტარტაპების განვითარებისთვის, Start Up პროექტების განვითარების შესაძლებლობები თბილისის სახელმწიფო უნივერსიტეტში, Start Up ისტორიები. პრაქტიკული სასწავლო კურსი ევროპული საგანმანათლებლო ცენტრისა და თსუ ფაბ ლაბის ორგანიზებით 28 მაისს გაიხსნა. გახსნით სესიაზე მოხსენებები წარადგინეს საპარტნიორო ფონდის, საქართველოს ინოვაციებისა და ტექნოლოგიების სააგენტოსა და თსუ წარმომადგენლებმა. სტუდენტებს გამოცდილება გაუზიარეს მოქმედმა სტარტაპერებმაც. კურსის ფარგლებში, პროექტის მონაწილე სტუდენტებს საშუალება აქვთ მიიღონ ინფორმაცია, პრაქტიკული ცოდნა და გამოცდილება სტარტაპების შესახებ. კურსი მოიცავს სხვადასხვა თემატურ სესიას, რომელიც ახალგაზრდებს დაეხმარება სტარტაპის ჩამოყალიბებისა და მართვისთვის მიიღონ პრაქტიკული უნარ-ჩვევები. პროექტში ჩართულია 140-მდე სტუდენტი.

 


ნახვა »
30/მაისი/2017
9 სურათი
სამეცნიერო სემინარი „თანამედროვე ქართული ენის მართლწერა-მართლმეტყველების პრობლემები“
ივანე ჯავახიშვილის სახელობის თბილისის სახელმწიფო უნივერსიტეტში არნოლდ ჩიქობავას სახელობის ენათმეცნიერების ინსტიტუტის მეტყველების კულტურის განყოფილების უფროსმა თამარ ვაშაკიძემ სამეცნიერო სემინარი „თანამედროვე ქართული ენის მართლწერა-მართლმეტყველების პრობლემები“ გამართა.
ნახვა »
30/მაისი/2017
6 სურათი
უკრაინელი პოეტის მარიანა კიანოვსკას ვიზიტი თსუ უკრაინისტიკის ინსტიტუტში
ივანე ჯავახიშვილის სახელობის თბილისის სახელმწიფო უნივერსიტეტს თანამედროვე უკრაინელი მწერალი მარიანა კიანოვსკა ეწვია. მწერალმა თსუ უკრაინისტიკის ინსტიტუტის წარმომადგენლებთან გამართა შეხვედრა.

ნახვა »
30/მაისი/2017
19 სურათი
პაატა ცხადაიას დაბადებიდან 80 წლისთავისადმი მიძღვნილი საიუბილეო საღამო
ივანე ჯავხიშვილის სახელობის თბილისის სახელმწიფო უნივერსიტეტში თსუ ჰუმანიტარულ მეცნიერებათა ფაკულტეტის ქართული ენის სასწავლო-სამეცნიერო ინსტიტუტთან არსებული ქართველური ონომასტიკის სამეცნიერო ცენტრის ხელმძღვანელის, ფილოლოგიის მეცნიერებათა დოქტორის, პროფესორ პაატა ცხადაიას დაბადებიდან 80 წლისთავისადმი მიძღვნილი საიუბილეო საღამო გაიმართა. ღონისძიებაზე პროფესორი პაატა ცხადაია ივანე ჯავახიშვილის მედლით დააჯილდოვეს.
ნახვა »
29/მაისი/2017
23 სურათი
დამოუკიდებლობის დღისადმი მიძღვნილი კვირეულის დასკვნითი ღონისძიებები თსუ-ში
ივანე ჯავახიშვილის სახელობის თბილისის სახელმწიფო უნივერსიტეტში საქართველოს დამოუკიდებლობის დღისადმი მიძღვნილი კვირეულის ფარგლებში გამოფენა ,,საქართველოს დემოკრატიული რესპუბლიკის მთავრობა და თბილისის სახელმწიფო უნივერსიტეტი“ და სტუდენტური სამეცნიერო კონფერენცია „საქართველოს დემოკრატიული რესპუბლიკა (1918-1921წწ.): პიროვნებები, მოვლენები, რეფორმები, მიღწევები და შეცდომები“ გაიმართა. ღონისძიების გახსნას თსუ რექტორი გიორგი შარვაშიძე, აკადემიური წრეების წარმომადგენლები, სტუდენტები და მოწვეული სტუმრები დაესწრნენ.

ნახვა »
29/მაისი/2017
18 სურათი
სტუდენტ-არქეოლოგთა IX საერთაშორისო კონფერენცია
ივანე ჯავახიშვილის სახელობის თბილისის სახელმწიფო უნივერსიტეტის ჰუმანიტარულ მეცნიერებათა ფაკულტეტის არქეოლოგიის სასწავლო-კვლევითი ინსტიტუტის ორგანიზებით ვარძიაში პიტ რივერსისადმი მიძღვნილი სტუდენტ-არქეოლოგთა IX საერთაშორისო კონფერენცია გაიმართა. სტუდენტებმა ღონისძიებაზე წარმოადგინეს სამეცნიერო თემები, რომელიც ექსპედიციებში მონაწილეობასა და აღმოჩენების შეფასებას ეყრდნობა. კონფერენციის ჟიურის წევრებმა: თსუ პროფესორმა ვახტანგ ლიჩელმა, ოქსფორდის უნივერსიტეტის პროფესორმა მაიკლ ვიკერსმა, ინსბრუკის უნივერსიტეტის პროფესორმა ვალტერ კუნტნერიმ, ედინბურგის უნივერსიტეტის პროფესორმა ებერჰარდ ზაუერმა, ვენეციის კა’ფოსკარის უნივერსიტეტის პროფესორმა პაოლო ბიაჯიმ გამარჯვებული სტუდენტები გამოავლენეს.
ნახვა »
« 1 ... 162 163 164 165 166 ... 196 »