ENG / GEO
ახალი ამბები განათლება მეცნიერება კულტურა და სპორტი გალერეა

გალერეა

« 1 ... 159 160 161 162 163 ... 177 »
22/მარტი/2017
4 სურათი
"როგორ დავიწყე სტარტაპი?"
ივანე ჯავახიშვილის სახელობის თბილისის სახელმწიფო უნივერსიტეტის ფაბლაბში პროექტის "როგორ დავიწყე სტარტაპი?" ფარგლებში გაცნობითი ხასიათის შეხვედრა გაიმართა. შეხვედრაზე დაინტერესებულ პირებს შესაძლებლობა  ჰქონდათ გაეცნოთ უკვე წარმატებული ქართველი სტარტაპელები: გიგი გაჩეჩილაძე - construct.ge, სერგეი სტეფანოვი - GoTrip, ბაჩო ხაჩიძე - TreePex, ვასილ ხურცილავა - Admove, კობა ცერცვაძე - CNICK. მოწვეულმა სტუმრებმა სტუდენტებს გაუზიარეს საკუთარი გამოცდილება, ისაუბრეს არსებულ გამოწვევებზე, უპასუხეს შეკითხვებს და კონკრეტული რჩევები მისცეს მომავალ სტარტაპელებს.


ნახვა »
21/მარტი/2017
23 სურათი
„გადაწერე ვეფხისტყაოსანი“
ივანე ჯავახიშვილის სახელობის თბილისის სახელმწიფო უნივერსიტეტის სტუდენტებმა, პროფესორებმა და ადმინისტრაციის თანამშრომლებმა პროექტში „გადაწერე ვეფხისტყაოსანი“ მიიღეს მონაწილეობა და "ვეფხისტყაოსნის" ხელნაწერ წიგნში თითო სტროფი გადაწერეს. პროექტი "გადაწერე ვეფხისტყაოსანი" თბილისის საკრებულოს ინიციატივით 2016  წელს დაიწყო და ის შოთა რუსთაველის 850 წლის იუბილეს ეძღვნება.
ნახვა »
21/მარტი/2017
9 სურათი
დაუნის სინდრომის მსოფლიო დღისადმი მიძღვნილი ღონისძიება
ივანე ჯავახიშვილის სახელობის თბილისის სახელმწიფო უნივერსიტეტის ადმინისტრაციის ხელმძღვანელმა ნუნუ ოვსიანიკოვამ ქალაქ თბილისის N198 საჯარო სკოლის მოსწავლეები მოინახულა. დაუნის სინდრომის მსოფლიო დღესთან დაკავშირებით პარაორკესტრის წევრებმა შეასრულეს მუსიკალური ნომრები, თიხისგან მოამზადეს დაუნის სინდრომის მსოფლიო დღის აღანიშნავი ლოგოები, ასევე შექმნეს პლაკატები, რომელიც 21 მარტის დღეს ეძღვნებოდა. ქალაქ თბილისის N198 საჯარო სკოლაში 170-მდე სპეციალური საგანმანათლებლო საჭიროების მქონე მოსწავლე იღებს განათლებას. სკოლის მიზანია სპეციალური საგანმანათლებლო საჭიროებების, მათ შორის დაუნის სინდრომის მქონე მოსწავლეებისთვის საჭიროებებზე მორგებული სასწავლო-სააღმზრდელო პროცესის უზრუნველყოფა.
ნახვა »
21/მარტი/2017
6 სურათი
„კონფლიქტების პრევენცია სკოლებში“
ივანე ჯავახიშვილის სახელობის თბილისის სახელმწიფო უნივერსიტეტში გაიმართა ტრენინგი თემაზე „კონფლიქტების პრევენცია სკოლებში“.  ტრენინგის ორგანიზატორია თსუ კონფლიქტების ანალიზისა და მართვის მიმართულება და კონფლიქტების მართვისა და მშვიდობის მშენებლობის ახალგაზრდული ცენტრი. ღონისძიებაში მონაწილეობდნენ თსუ მაგისტრატურისა და დოქტორანტურის სტუდენტები, სკოლის მოსწავლეები, არასამთავრობო ორგანიზაციის წარმომადგენლები.

ნახვა »
20/მარტი/2017
24 სურათი
თსუ სტუდენტთა მხატვრული ნამუშევრების საგაზაფხულო გამოფენა
ივანე ჯავახიშვილის სახელობის თბილისის სახელმწიფო უნივერსიტეტის მუზეუმის საგამოფენო დარბაზში თსუ სტუდენტთა მხატვრული ნამუშევრების საგაზაფხულო გამოფენა გაიხსნა.  გამოფენაზე წარმოდგენილი იყო თსუ-ს სხვადასხვა ფაკულტეტების სტუდენტთა ფერწერული და გრაფიკული ნამუშევრები. გამოფენაში მონაწილე ყველა სტუდენტი დაჯილდოვდა სერტიფიკატით.
ნახვა »
17/მარტი/2017
8 სურათი
თსუ სტუდენტების ვიზიტი ნატოსა და ევროკავშირის ინსტიტუტებში
ივანე ჯავახიშვილის სახელობის თბილისის სახელმწიფო უნივერსიტეტის წარჩინებული სტუდენტები ევროპული საგანმანათლებლო ცენტრის მიერ ორგანიზებული სასწავლო-აკადემიური ვიზიტის ფარგლებში, ბრიუსელს ესტუმრნენ და ნატოსა და ევროკავშირის ინსტიტუტებში შეხვედრები გამართეს. დელეგაცია 18 სტუდენტისგან შედგებოდა, მათი უმეტესობა თსუ ეკონომიკისა და ბიზნესის ფაკულტეტის, სოციალურ და პოლიტიკურ მეცნიერებათა ფაკულტეტის, სამედიცინო და იურიდიული ფაკულტეტების სტუდენტები არიან.
ნახვა »
« 1 ... 159 160 161 162 163 ... 177 »