ENG / GEO
ახალი ამბები განათლება მეცნიერება კულტურა და სპორტი გალერეა

გალერეა

« 1 ... 156 157 158 159 160 ... 177 »
6/აპრილი/2017
9 სურათი
შეხვედრა სამედიცინო განათლების მსოფლიო ფედერაციის პრეზიდენტთან
ივანე ჯავახიშვილის სახელობის თბილისის სახელმწიფო უნივერსიტეტის რექტორის მოადგილე,  მიხეილ ჩხენკელი სამედიცინო განათლების მსოფლიო ფედერაციის პრეზიდენტს, დეივიდ გორდონს შეხვდა.

შეხვედრას ესწრებოდნენ  სამედიცინო განათლების მსოფლიო ფედერაციის ოფისის ხელმძღვანელი სიობან ფითსპათრიკი,   განათლების ხარისხის  განვითარების ეროვნული ცენტრის დირექტორი, ქალბატონი  თამარ სანიკიძე და  ცენტრის წარმომადგენლები, თსუ მედიცინის ფაკულტეტის დეკანი, პროფესორი ალექსანდრე ცისკარიძე,  ხარისხის უზრუნველყოფის სამსახურის უფროსი,  პროფესორი ნინო ჩიხლაძე და თსუ პროფესორები ნინო ოკრიბელაშვილი, თამარ კეზელი და პაატა იმნაძე.

შეხვედრაზე  განიხილეს მედიცინის ფაკულტეტის პროგრამები, ისაუბრეს თსუ-ს ინტერნაციონალიზაციისა და სამედიცინო განათლების განვითარების პერსპექტივებსა და ახალ გამოწვევებზე.
ნახვა »
5/აპრილი/2017
22 სურათი
აკადემიკოს გიორგი ახვლედიანის დაბადებიდან 130 წლისთავისადმი მიძღვნილი საიუბილეო ღონისძიებები თსუ-ში
ივანე ჯავახიშვილის სახელობის თბილისის სახელმწიფო უნივერსიტეტში უნივერსიტეტის ერთ-ერთი დამაარსებლის, აკადემიკოს გიორგი ახვლედიანის დაბადებიდან 130 წლისთავისადმი მიძღვნილი საიუბილეო ღონისძიებები გაიმართა. თსუ ბიბლიოთეკასა და მუზეუმში მოეწყო გიორგი ახვლედიანის ნაშრომების, ფოტო და საარქივო მასალების გამოფენა. ქართული ენათმეცნიერების ერთ-ერთი დამფუძნებლის გიორგი ახვლედიანის იუბილესთან დაკავშირებით ასევე გაიმართა კონფერენცია. კონფერენციაზე ქართველმა მეცნიერებმა წარმოადგინეს მოხსენებები, ნაჩვენები იყო დოკუმენტური ფილმი „გიორგი ახვლედიანი.“


  

   




ნახვა »
4/აპრილი/2017
29 სურათი
დასაქმების ფორუმი თსუ-ში
ივანე ჯავახიშვილის სახელობის თბილისის სახელმწიფო უნივერსიტეტში დასაქმების ფორუმი გაიმართა. 70-ზე მეტმა კერძო და საჯარო სექტორის დამსაქმებელმა გააცნო და შესთავაზა თსუ-ს სტუდენტებსა და კურსდამთავრებულებს სტაჟირების, დასაქმებისა და კარიერული განვითარების სხვა შესაძლებლობები.ფორუმის მონაწილე დამსაქმებლები წარმოადგენენ საბანკო და საფინანსო, დაზღვევის, სამედიცინო და ფარმაცევტულ სფეროებს, მსხვილ სავაჭრო და სადისტრიბუციო ქსელებს, მომსახურებისა და ტურიზმის სფეროებს, სხვადასხვა პროფილის საკონსულტაციო და კვლევით ორგანიზაციებს. კერძო კომპანიების გარდა, ღონისძიებაზე წარმოდგენილები იყვნენ საჯარო სფეროს დამსაქმებლებიც: სამინისტროები და სხვა საჯარო სამსახურები, მათდამი დაქვემდებარებულ სტუქტურებთან ერთად.    
   




ნახვა »
3/აპრილი/2017
8 სურათი
წიგნების: „ნართების თქმულებები ბავშვებისათვის“ და „ქართულ-ოსური და ოსურ-ქართული ლექსიკონი“ პრეზენტაცია
ივანე ჯავახიშვილის სახელობის თბილისის სახელმწიფო უნივერსიტეტში წიგნების:„ნართების თქმულებები ბავშვებისათვის“ და „ქართულ-ოსური და ოსურ-ქართული ლექსიკონი“ პრეზენტაცია გაიმართა. წიგნები გამოიცა ევროკავშირისა და გაეროს განვითარების პროგრამის (UNDP) ერთობლივი ინიციატივით COBERM-ის ფინანსური მხარდაჭერით ა(ა)იპ „კავკასიური მოზაიკას“ პროექტის ფარგლებში. ნართების ეპოსი ბავშვებისათვის ადაპტირებული სახით პირველად ქვეყნდება. ნართების თქმულებები და ზღაპრები სპეციალურად პატარა მკითხველებისთვის გადამუშავდა და ითარგმნა. წიგნი გაფორმებულია ქართველი და ოსი მხატვრების ნამუშევრებით. ღონისძიება მხატვრულად გააფორმა სამხრეთ ოსეთის ადმინისტრაციასთან არსებული სიმღერისა და ცეკვის ანსამბლმა „ნართები“.
ნახვა »
3/აპრილი/2017
8 სურათი
პროფესორ ვინფრიდ ბოედერის დაბადებიდან 80 წლისთავისადმი მიძღვნილი საიუბილეო ღონისძიება თსუ-ში
ივანე ჯავახიშვილის სახელობის თბილისის სახელმწიფო უნივერსიტეტში პროფესორ ვინფრიდ ბოედერის დაბადებიდან 80 წლისთავისადმი  მიძღვნილი  საიუბილეო  ღონისძიება გაიმართა. გამოჩენილი გერმანელი ქართველოლოგი, თბილისის სახელმწიფო უნივერსიტეტის საპატიო დოქტორი, პროფესორი ვინფრიდ ბოედერი  ხუთ ათეულ წელზე მეტია იღვწის ქართველოლოგიური დარგების განვითარებისა და პოპულარიზაციისათვის. პროფესორ ვინფრიდ ბოედერის სახელს უკავშირდება კავკასიოლოგიური ლიტერატურის უმდიდრესი ბიბლიოგრაფიის შექმნა, ქართული ლინგვისტური ნაშრომის თარგმნა გერმანულ ენაზე, წლების განმავლობაში ქართველ მეცნიერთა მონაწილეობით ოლდენბურგის უნივერსიტეტში კავკასიურ ენობრივ პრობლემებზე სიმპოზიუმების ჩატარება.
ნახვა »
3/აპრილი/2017
12 სურათი
თსუ სტუდენტების წარმატება იმიტირებული სასამართლო პროცესის სტუდენტთა ტურნირის ფინალურ ტურში
საქართველოს შსს აკადემიაში ოჯახში ძალადობის თემაზე იმიტირებული სასამართლო პროცესის სტუდენტთა ტურნირის ფინალში გამარჯვება მოიპოვეს ივანე ჯავახიშვილის სახელობის თბილისის სახელმწიფო უნივერსიტეტისა და აკაკი წერეთლის სახელმწიფო უნივერსიტეტის სტუდენტების გუნდებმა. ინდივიდუალურად, სხვადასხვა პოზიციის საუკეთესოდ დაცვისა და გამოსვლისთვის კი დაჯილდოვდნენ ბათუმის შოთა რუსთაველის სახელმწიფო უნივერსიტეტის, კავკასიის უნივერსიტეტის, თბილისის თავისუფალი უნივერსიტეტის სტუდენტები. ფინალის მონაწილეებსა და გამარჯვებულებს აკადემიური ჯილდოები გადასცეს გაეროს ქალთა ფონდმა, ადამიანით ვაჭრობის (ტრეფიკინგის) მსხვერპლთა და დაზარალებულთა დაცვის სახელმწიფო ფონდმა, თსუ საერთაშორისო სამართლის ინსტიტუტმა, საქართველოს ახალგაზრდა იურისტთა ასოციაციამ კი ორი საუკეთესო მონაწილე საიას იურიდიული განათლების ხელშეწყობის ფონდის სკოლაში მონაწილეობით დაასაჩუქრა.
ნახვა »
« 1 ... 156 157 158 159 160 ... 177 »