გალერეა

ივანე ჯავახიშვილის სახელობის თბილისის სახელმწიფო უნივერსიტეტის ადმინისტრაციულ მეცნიერებათა ინსტიტუტის რიგით მე-15 ფორუმი გაიმართა თემაზე: "საჯარო მმართველობის კულტურის საკითხები საქართველოში და საერთაშორისო კონტექსტში". ფორუმის მუშაობაში მონაწილეობა მიიღეს საქართველოს სხვადასხვა საჯარო დაწესებულებათა წარმომადგენლებმა, საქართველოს უნივერსიტეტების პროფესორ-მასწავლებლებმა და სტუდენტებმა.

ივანე ჯავახიშვილის სახელობის თბილისის სახელმწიფო უნივერსიტეტში მშობლიური ენის საერთაშორისო დღესთან დაკავშირებით საზეიმო ღონისძიება გაიმართა, რომელსაც თსუ რექტორი გიორგი შარვაშიძე, სახელმწიფო ენის პალატის თავმჯდომარე გიორგი ალიბეგაშვილი, კორნელი კეკელიძის სახელობის საქართველოს ხელნაწერთა ეროვნული ცენტრის დირექტორი ზაზა აბაშიძე და მოწვეული სტუმრები დაესწრნენ. ღონისძიება სახელმწიფო ენის დეპარტამენტის, საქართველოს განათლებისა და მეცნიერების სამინისტროს, თბილისის სახელმწიფო უნივერსიტეტისა და ხელნაწერთა ეროვნული ცენტრის ორგანიზებით ჩატარდა.

ივანე ჯავახიშვილის სახელობის თბილისის სახელმწიფო უნივერსიტეტსა და „აკად. ო. ღუდუშაურის სახელობის ეროვნულ სამედიცინო ცენტრს“ შორის თანამშრომლობის მემორანდუმი გაფორმდა, რომელსაც ხელი თსუ რექტორმა გიორგი შარვაშიძემ, ადმინისტრაციის ხელმძღვანელმა ნუნუ ოვსიანიკოვამ და „საუნივერსიტეტო კლინიკის“ გენერალურმა დირექტორმა იოსებ ბრეგვაძემ მოაწერეს.

ივანე ჯავახიშვილის სახელობის თბილისის სახელმწიფო უნივერსიტეტში ღონისძიება „იტალიანისტიკის დღე თსუ-ში“ გაიმართა, რომელსაც დაესწრნენ თსუ რექტორი გიორგი შარვაშიძე და იტალიის საგანგებო და სრულუფლებიანი ელჩი საქართველოში - ანტონიო ენრიკო ბარტოლი. ივანე ჯავახიშვილის სახელობის თბილისის სახელმწიფო უნივერსიტეტსა და ა(ა)იპ „სამედიცინო ინოვაციების აკადემია“-ს შორის ურთიერთთანამშრომლობის მემორანდუმი გაფორმდა, რომელსაც ხელი თსუ რექტორმა გიორგი შარვაშიძემ და  „სამედიცინო მეცნიერებათა ინოვაციების აკადემიის“ წარმოდგენილმა, გამგეობის თავმჯდომარემ ალფონსო ჯოვანი რეკორდარემ მოაწერეს.  

ივანე ჯავახიშვილის სახელობის თბილისის სახელმწიფო უნივერსიტეტში თსუ ეთნოლოგიის ინსტიტუტის ორგანიზებით გაიმართა თსუ 100 წლისთავისადმი მიძღვნილი დისკუსია - ცოდნა სინათლეა: სოციალიზაციის და ინკულტურაციის ასპექტები. ღონისძიებაზე მოხსენებები წაიკითხეს თსუ რექტორმა გიორგი შარვაშიძემ (განათლების პოლიტიკის ძირითადი ტენდენციები საქართველოში), თსუ პროფესორმა როლანდ თოფჩიშვილმა (აღზრდის ტრადიციები საქართველოში). დისკუსიის მოდერატორი იყო პროფესორი ქეთევან ხუციშვილი.