გალერეა

ივანე ჯავახიშვილის სახელობის თბილისის სახელმწიფო უნივერსიტეტის 100 წლისთავისადმი მიძღვნილი ღონისძიება გამართეს ახმეტის მუნიციპალიტეტის ქვემო ალვანის საჯარო სკოლის მოსწავლეებმა. თსუ რექტორი სკოლის მოსწავლეებს მეოცე საუკუნის დასაწყისში უნივერსიტეტის დაარსების მნიშვნელობაზე, იმ დროს არსებულ სირთულეებსა და დაარსებასთან დაკავშირებულ საინტერესო დეტალებზე ესაუბრა; გააცნო უნივერსიტეტში მოქმედი სასწავლო პროგრამები, სწავლასა და კვლევისათვის საჭირო ინფრასტრუქტურა და ის შესაძლებლობები, რომელსაც უნივერსიტეტი აძლევს სტუდენტს.

ივანე ჯავახიშვილის სახელობის თბილისისი სახელმწიფო უნივერსიტეტს ნაზარბაევის სახელობის უნივერსიტეტის დელეგაცია (ასტანა, ყაზახეთი) სტუმრობდა. ნაზარბაევის სახელობის უნივერსიტეტის წარმომადგენლებს თსუ რექტორი გიორგი შარვაშიძე შეხვდა. შეხვედრაზე მხარეებმა უნივერსიტეტებს შორის თანამშრომლობის გაღმავებაზე და ერთობლივი პროექტების განხორციელებაზე იმსჯელეს.

ივანე ჯავახიშვილის სახელობის თბილისის სახელმწიფო უნივერსიტეტში „თსუ ქართველოლოგიური სკოლის ცენტრისა“ და „ქართველოლოგიის მხარდამჭერთა საერთაშორისო ასოციაციის“ ფინანსური მხარდაჭერით ზამთრის საერთაშორისო ქართველოლოგიური სკოლა – 2018 გაიხსნა. მონაწილეებს ლისის ტბის ფერდობზე მდებარე თსუ-ს სტუდენტურ საცხოვრებელში 6 დღის განმავლობაში ჩაუტარდებათ ლექციები და ვორქშოპები ქართველოლოგიური მეცნიერებების სხვადასხვა მიმართულებით.

ივანე ჯავახიშვილის სახელობის თბილისის სახელმწიფო უნივერსიტეტს ამერიკელ ებრაელთა საზოგადოების წარმომადგენლობითი დელეგაცია ეწვია. ვიზიტის ფარგლებში ამერიკელ ებრაელთა კომიტეტის (AJC) აღმასრულებელმა დირექტორმა დევიდ ჰარისმა საჯარო ლექცია „აშშ-ის საგარეო პოლიტიკა და მსოფლიო ლიდერობის საკითხები“ წაიკითხა. შეხვედრას თსუ რექტორი გიორგი შარვაშიძე, სტუდენტები და პროფესორ-მასწავლებლები ესწრებოდნენ.

თსუ 100 წლისთავის აღსანიშნავი ღონისძიებების ფარგლებში თსუ კავკასიოლოგიის ინსტიტუტის პროფესორები ესტუმრნენ ჯოყოლოს საჯარო სკოლას კავკასიოლოგიის სასწავლო პროგრამების პრეზენტაციის მიზნით; გაიმართა შეხვედრა სკოლის პედაგოგებთან, ასევე ხეობის სხვა წარმომადგენლებთან. პროფესორებმა სკოლის ბიბლიოთეკას პოპულარული და სამეცნიერო ლიტერატურა გადასცეს.

ივანე ჯავახიშვილის სახელობის თბილისის სახელმწიფო უნივერსიტეტი საგამოფენო ცენტრ „ექსპო-ჯორჯიაში“ განათლების საერთაშორისო გამოფენაში მონაწილეობს. თსუ განათლების საერთაშორისო გამოფენაზე ტრადიციულად სპეციალური სტენდით არის წარმოდგენილი, სადაც გამოფენის სტუმრები ინფორმაციას იღებენ თსუ ფაკულტეტების, საგანმანათლებლო პროგრამების (ბაკალავრიატი, მაგისტრატურა, დოქტორანტურა), გაცვლითი პროგრამების შესახებ.