გალერეა

ივანე ჯავახიშვილის სახელობის თბილისის სახელმწიფო უნივერსიტეტის ფსიქოლოგიისა და განათლების მეცნიერებათა ფაკულტეტის ღია კარის დღე გაიმართა. ფაკულტეტის ადმინისტრაციის წარმომადგენლებთან, ლექტორებთან და სტუდენტებთან შეხვედრაზე აბიტურიენტები გაეცნენ ფაკულტეტზე მოქმედ პროგრამებს, მიიღეს ინფორმაცია ღონისძიებების, საზღვარგარეთის წამყვან უნივერსიტეტებთან გაცვლითი პროგრამებისა და სტუდენტური ცხოვრების შესახებ.

თბილისის სახელმწიფო უნივერსიტეტში თანამედროვე ქართველ მწერალ მაკა ლდოკონენთან შეხვედრა გაიმართა.ღონისძიება ჩატარდა ჟურნალისტიკისა და მასობრივი კომუნიკაციის მიმართულების საგან „ბეჭდურ მედია 2“ –ის ფარგლებში. შეხვედრაზე სტუდენტები გაეცნენ ლიტერატურულ პრემია „საბას“ მფლობელი მწერლის შემოქმედებას.

ივანე ჯავახიშვილის სახელობის თბილისის სახელმწიფო უნივერსიტეტს ჰელსინკის უნივერსიტეტის სტუდენტები და ადმინისტრაციის წარმომადგენლები ესტუმრნენ. ვიზიტის ფარგლებში უცხოელი სტუმრები თსუ სტუდენტებს შეხვდნენ და  გაეცნენ საუნივერსიტეტეო ცხოვრებას, ასევე დაათვალიერეს თსუ არქეოლოგიის მუზეუმი.

ივანე ჯავახიშვილის სახელობის თბილისის სახელმწიფო უნივერსიტეტსა და საქართველოს ეროვნულ არქივს შორის თანამშრომლობის მემორანდუმი გაფორმდა. მემორანდუმს ხელი თსუ რექტორმა გიორგი შარვაშიძემ და ეროვნული არქივის გენერალურმა დირექტორმა თეონა იაშვილმა მოაწერეს. ხელშეკრულების თანახმად მხარეები მოამზადებენ საქართველოს დემოკრატიული რესპუბლიკის 100 წლის იუბილესთან დაკავშირებით ერთობლივ პროექტებს, ხელს შეუწყობენ სამეცნიერო-კვლევით საქმიანობას.

ივანე ჯავახიშვილის სახელობის თბილისის სახელმწიფო უნივერსიტეტის რომანული ფილოლოგიის დეპარტამენტმა და ფრანკოფონიის საუნივერსიტეტო სააგენტომ, ფრანკოფონიის დღეებთან დაკავშირებით, ღონისძიება "ვიხალისოთ ფრანგული ენით" გამართეს. ფრანგული ენისა და კულტურის მოყვარულებს შესაძლებლობა ჰქონდათ, მონაწილეობა მიეღოთ სახალისო ვიქტორინაში, რომელიც ფრანგული კულტურის პოპულარიზაციას ისახავს მიზნად.

ბულგარეთის ელჩი საქართველოში დესისლავა ივანოვა ივანე ჯავახიშვილის სახელობის თბილისის სახელმწიფო უნივერსიტეტის რექტორს გიოგი შარვასიძეს, სოციალურ და პოლიტიკურ მეცნიერებათა ფაკულტეტის წარმომადგენლებს, სტუდენტებს შეხვდა და საჯარო ლექცია "ბულგარეთი – საგარეო პოლიტიკა და ევროკავშირის საბჭოს თავმჯდომარეობის პრიორიტეტები" წაიკითხა.