გალერეა

მუსიკოთერაპიის განვითარების მიზნით თბილისის სახელმწიფო უნივერსიტეტს აუქსბურგის უნივერსიტეტის პროფესორი სუზან მეცნერი ეწვია. პროფესორმა ადამიანის ცხოვრებაში მუსიკოთერაპიის როლზე საჯარო ლექცია წაიკითხა და სამი დღის განმავლობაში მუსიკოთერაპიის საფუძვლებში პრაქტიკული სავარჯიშოებს დარგის სპეციალისტ მარინა ალთუნაშვილთან ერთად გაუძღვება.

პრაქტიკულ სავარჯიშოებს ბავშვებთან, მოზრდილებთან თუ სხვადასხვა პრობლემის მქონე ადამიანებთან მომუშავე 20 სპეციალისტი დაესწრება, რომლებიც მუსიკოთერაპიის პრინციპებს პრაქტიკაში გაეცნობიან. სავარჯიშოები იქნება, როგორც ინდივიდუალური, ისე ჯგუფური.სამუშაო ჯგუფი თბილისის სახელმწიფო უნივერსიტეტში სამი დღის განმავლობაში იმუშავებს და ამ მიმართულებით დაინტერესებულ ადამიანებს საკუთარ გამოცდილებას გაუზიარებს. 

მუსიკოთერაპია ფსიქოთერაპიის ერთ-ერთი მიმართულებაა, რომელიც მუსიკის მეშვეობით კურნავს ადამიანს.

19-27 თებერვლის ჩათვლით თსუ-ს სტუდენტებისგან შექმნილმა გუნდებმა 10 დღიანი ინტენსიური სატრენინგო კურსი გაიარეს, განავითარეს და დახვეწეს თავიანთი სტარტაპ იდეები, რომელიც 29 თებერვალს დემო დღეზე წარადგინეს.  
პრე-აქსელერაციის პროგრამა დამწყები სტარტაპერების განვითარებას უწყობს ხელს. პროგრამის მიზანია ადგილობრივი ინოვაციურ-ტექნოლოგიური პოტენციალისა და სტარტაპ ეკოსისტემის გაძლიერება.
პრე-აქსელერაციის პროგრამის დასკვნით ღონისძიებაზე პროგრამაში მონაწილე გუნდებმა საკუთარი იდეები სტარტაპ ეკოსისტემის მნიშვნელოვანი წარმომადგენლებისგან შემდგარ ჟიურის წარუდგინეს. 
პროგრამისა და ღონისძიების მხარდამჭერები არიან: საქართველოს ბანკი; საქართველოს ინოვაციებისა და ტექნოლოგიების სააგენტო (GITA); ბრიტანეთის საბჭოს  პროგრამა „შემოქმედებითი ნაპერწკალი".

 

ივანე ჯავახიშვილის სახელობის თბილისის სახელმწიფო უნივერსიტეტში ციფრული მედიისა და სთორითელინგის ტრენერებისთვის რიშელ როჯრესის ვორქშოფი გაიმართა. რიშელ როჯერსი, ლოიოლას უნივერსიტეტიში (ჩიკაგო) ციფრული მედიისა და "სთორითელინგის" (ამბავთთხრობის) სამაგისტრო პროგრამის ხელმძღვანელია. ვორქშოფი პროფესორ-მასწავლებლებისთვის, საქართველოში ამერიკის შეერთებული შტატების საელჩოს მიერ მხარდაჭერილი მედიაგანათლების პროგრამის ფარგლებში, თსუ სოციალურ და პოლიტიკურ მეცნიერებათა ფაკულტეტზე ჩატარდა. 

ვორკშოფის სამუშაო გეგმის შესაბამისად, დაგეგმილია საგანმანათლებლო პროგრამების განვითარების მცირე ჯგუფებში ჩატარება. გათვალისწინებულია ინტენსიური პრაქტიკული სემინარი ციფრული მედიისა და "სთორითელინგის" პედაგოგებისთვის, რომლის მიზანია სასწავლო გეგმების განახლება/ახალი სასწავლო გეგმების შემუშავება.

თ ბილისის სახელმწიფო უნივერსიტეტში პროექტის, ზამთრის საერთაშორისო ქართველოლოგიური სკოლა - 2020, დასკვნითი ღონისძიება გაიმართა. პროექტის ზამთრის საერთაშორისო ქართველოლოგიური სკოლა - 2020 დასკვნითი ეტაპი ჩატარდება 26 თებერვლიდან 2 მარტის ჩათვლით დაბა კოჯორში მიმდინარეობდა.  

კონკურსის შედეგად შერჩეული მონაწილეებმა უცხოეთიდან (დიდი ბრიტანეთი, ავსტრია), საქართველოს სხვადასხვა უმაღლესი სასწავლებლიდან (თსუ; ბათუმის სახელმწიფო უნივერსიტეტი; ქუთაისის სახელმწიფო უნივერსიტეტი; წმ. ანდრია პირველწოდების სახელობის ქართული უნივერსიტეტი; სოხუმის სახელმწიფო უნივერსიტეტი) და სკოლებიდან (ქ. რუსთავის #13 საჯარო სკოლა; თბილისის პირველი კლასიკური გიმნაზია) 6 დღის განმავლობაში მოისმინეს თსუ-სა და სხვა უნივერსიტეტებიდან მოწვეული პროფესორების ლექციები.

დასკვნით ღონისძიებაზე შეჯამდა პროექტის შედეგები, გაიმართება მონაწილეთა საუკეთესო ნამუშევრების პრეზენტაცია. სეზონური სკოლის მონაწილეებს გადაეცემათ შესაბამისი სერტიფიკატები. გამორჩეული ნაშრომების ავტორები „ქართველოლოგიის მხარდამჭერთა საერთაშორისო ასოციაცია“ დააჯილდვა ცნობილი ქართველოლოგის ჰაინც ფენრიხის სახელობის ფულადი პრემიით.

პროექტი ხორციელდება „ქართველოლოგიის მხარდამჭერთა საერთაშორისო ასოციაციის“,  თსუ ჰუმანიტარულ მეცნიერებათა ფაკულტეტის და თსუ სტუდენტური პროექტების გრანტის დაფინანსებით. პროექტის ხელმძღვანელი: ელგუჯა ხინთიბიძე. კოორდინატორები: თამარ მელიქიძე, ირმა მაკარაძე, სოფიო გულიაშვილი 

ივანე ჯავახიშვილის სახელობის თბილისის სახელმწიფო უნივერსიტეტში თსუ მედიცინის ფაკულტეტის აკადემიკოს ფრიდონ თოდუას სახელობის სტუდენტთა სამეცნიერო საზოგადოების ინიციატივით ჩატარდა ლექცია:  „SARS-CoV-2 ით გამოწვეული ინფექცია (COVID-19)” - ახალი კორონავირუსი.“ 

ლექციას უძღვებოდა:  პროფესორი თენგიზ ცერცვაძე - მედიცინის მეცნიერებათა დოქტორი, ივანე ჯავახიშვილის სახელობის თბილისის სახელმწიფო უნივერსიტეტის მედიცინის ფაკულტეტის ინფექციური დაავადებებისა და კლინიკური იმუნოლოგიის დეპარტამენტის ხელმძღვანელი, ინფექციური პათოლოგიის, შიდსისა და კლინიკური იმუნოლოგიის სამეცნიერო-პრაქტიკული ცენტრის დირექტორი. ლექციას ესწრებოდნენ თსუ რექტორის მოადგილე  ნინო ოკრიბელაშვილი, სამედიცინო სფეროს წარმომადგენლები  თსუ პროფესორები და სტუდენტები.