ENG / GEO
ახალი ამბები განათლება მეცნიერება კულტურა და სპორტი გალერეა

გალერეა

« 1 2 3 4 5 6 ... 183 »
25/ნოემბერი/2019
7 სურათი
სამეცნიერო კონფერენცია: „ცხოველი, როგორც სამართლებრივი დაცვის ობიექტი“
ივანე ჯავახიშვილის სახელობის თბილისის სახელმწიფო უნივერსიტეტში თსუ იურიდიული ფაკულტეტის თანამედროვე კერძო სამართლის ინსტიტუტისა და თინათინ წერეთლის სახელმწიფოსა და სამართლის ინსტიტუტის ორგანიზებით, ერთობლივი სამეცნიერო კონფერენცია თემაზე: „ცხოველი, როგორც სამართლებრივი დაცვის ობიექტი“ გაიმართა.
ნახვა »
25/ნოემბერი/2019
9 სურათი
ფილოსოფიის მსოფლიო დღისადმი მიძღვნილი სტუდენტთა საერთაშორისო სამეცნიერო კონფერენცია
ივანე ჯავახიშვილის სახელობის თბილისის სახელმწიფო უნივერსიტეტის  ჰუმანიტარულ   მეცნიერებათა  ფაკულტეტის  ფილოსოფიის სასწავლო-სამეცნიერო ინსტიტუტის ორგანიზებით ფილოსოფიის მსოფლიო დღისადმი მიძღვნილი სტუდენტთა საერთაშორისო სამეცნიერო კონფერენცია  გაიხსნა . ღონისძიება იუნესკოს პროგრამის ფარგლებში  ქართველი ფილოსოფოსის, კონსტანტინე  კაპანელის დაბადებიდან 130 წლისთავს  მი ძღვნა.      
ნახვა »
25/ნოემბერი/2019
11 სურათი
კრებულის - ,,საჯარო ლექციები - მეტი, ვიდრე ინფორმაცია“, მეორე ნომრის პრეზენტაცია
ივანე ჯავახიშვილის სახელობის თბილისის სახელმწიფო უნივერსიტეტში კრებულის - ,,საჯარო ლექციები - მეტი, ვიდრე ინფორმაცია“, მეორე ნომრის პრეზენტაცია გაიმართა. კრებულში წარმოდგენილია თსუ პროფესორების  - ვახტანგ ლიჩელის (საუკუნის აღმოჩენა - გრაკლიანი გორა), ვლადიმერ პაპავას (ეკონომიკური მეცნიერების კრიზისი და ახალი პარადიგმის ძიება), მარინე ჩიტაშვილის (ფსიქოლოგიური კონსულტაცია, როგორც სერვისი), ზურაბ დავითაშვილის (ნაციონალიზმი, როგორც ეთნოკონფლიქტების წყარო), როზეტა გუჯეჯიანის (ტრადიციული ქართული სულიერი კულტურა), ვაჟა ლორთქიფანიძის (დემოგრაფიული ქცევის ტრანსფორმაციები თანამედროვე საქართველოში), მანანა შამილიშვილის (,,მელოდრამატული მედიაკულტურის ქართული პარადიგმები"), იაგო კაჭკაჭიშვილის ("თავისუფლების კულტურა საქართველოში"), ნოდარ ხადურის ("პოლიტიკური იდეოლოგიები და მაკროეკონომიკური პოლიტიკის ტრანსფორმაცია საქართველოში") და ლევან გიგინეიშვილის ("იოანე პეტრიწის პლატონური თეოლოგია და ინტელექტუალური ცხოვრება ბიზანტიაში") საჯარო ლექციები. 
პრეზენტაციას თსუ  რექტორის მოადგილე ნინო გვენეტაძე, პარლამენტის განათლების, მეცნიერებისა და კულტურის კომიტეტის წარმომადგენლები, მეცნიერებათა ეროვნული აკადემიის წევრები, თსუ პროფესორები და სტუდენტები ესწრებოდნენ.
კრებული ,,საჯარო ლექციები - მეტი, ვიდრე ინფორმაცია“ გაზეთ ,,თბილისის უნივერსიტეტის“ რედაქციის პროექტის - ,,უნივერსიას“ ფარგლებში გამოიცემა. პროექტის ხელმძღვანელია თსუ გაზეთ ,,თბილისის უნივერსიტეტის“ რედაქტორი ნინო კაკულია, კრებულის რედაქტორი - მაია ტორაძე. 
ნახვა »
21/ნოემბერი/2019
20 სურათი
ნინო ჩაკვეტაძის ნახატების გამოფენა
მხატვარ ნინო ჩაკვეტაძის ნახატები გამოიფინა და მისივე ილუსტრაციებით გაფორმებული მაკა მიქელაძის წიგნის „ოკრო-ბოკრო“ პრეზენტაცია გაიმართა თბილისის სახელმწიფო უნივერსიტეტში.
გამოფენიდან ერთი ნამუშევარი მხატვარმა საჩუქრად გადმოსცა თსუ ბიბლიოთეკას, სადაც მისი ილუსტრაციებით გაფორმებული წიგნების კუთხე მოეწყობა, აქვე გამოიფინება ნინო ჩაკვეტაძის ნახატიც.

ნახვა »
21/ნოემბერი/2019
15 სურათი
ფილოსოფიის მსოფლიო დღისადმი მიძღვნილი საერთაშორისო სამეცნიერო კონფერენცია
ივანე ჯავახიშვილის სახელობის თბილისის სახელმწიფო უნივერსიტეტის  ჰუმანიტარულ   მეცნიერებათა   ფაკულტეტის  ფილოსოფიის სასწავლო-სამეცნიერო ინსტიტუტის ორგანიზებით იუნესკოს პროგრამის ფარგლებში გაიმართა ფილოსოფიის მსოფლიო დღისადმი მიძღვნილი საერთაშორისო  სამეცნიერო კონფერენცია.  ღონისძიება ეძღვნება  ქართველი ფილოსოფოსის, კონსტანტინე  კაპანელის დაბადებიდან 130 წლისთავს.
ნახვა »
21/ნოემბერი/2019
13 სურათი
შეხვედრა "წიგნების თაროს" შემოქმედებით ჯგუფთან
თბილისის სახელმწიფო უნივერსიტეტში საქართველოს პირველი არხის პროექტის „წიგნების თაროს“ შემოქმედებით ჯგუფთან და არხის გენერალურ დირექტორთან ვასილ მაღლაფერიძესთან  შეხვედრა გაიმართა. 
შეხვედრაზე სტუდენტებს  მიაწოდეს ინფორმაცია  ''წიგნების თაროს'' ახალ უნიკალურ პროექტზე ,,წიგნების თარო Media'',  ხოლო ვასილ მაღლაფერიძე სტუდენტებს იმ შესაძლებლობაზე ესაუბრა, რომლითაც მათ საშუალება ეძლევათ, გაიარონ ანაზღაურებადი სტაჟირება საქართველოს პირველ არხზე.
პროექტის ,,წიგნების თარო Media''  ფარგლებში, 2020 წლის იანვრიდან საქართველოს პირველ არხზე ექვსი ახალგაზრდა ექვსთვიანი აზღაურებადი სტაჟირების სპეციალურ პროგრამას გაივლის.
გამარჯვებული სტუდენტები  კემბრიჯის საზაფხულო სკოლაში გაემგზავრებიან.  რეგისტრაცია ვებგვერდზე registracia.1tv.ge.  დღეს დაიწყო და 20 დეკემბრამდე გაგარძელდება .

ნახვა »
« 1 2 3 4 5 6 ... 183 »