ENG / GEO
ახალი ამბები განათლება მეცნიერება კულტურა და სპორტი გალერეა

გალერეა

« 1 2 3 4 5 ... 183 »
29/ნოემბერი/2019
8 სურათი
სტენფორდის უნივერსიტეტის (აშშ) პროფესორი, ნეიროქირურგ ჯეიმს რ.დოთის შეხვედრა სტუდენტებთან
ივანე ჯავახიშვილის სახელობის თბილისის სახელმწიფო უნივერსიტეტში სტენფორდის უნივერსიტეტის (აშშ) პროფესორი, ნეიროქირურგი ჯეიმს რ.დოთის სტუდენტებთან შეხვედრა გაიმართა. პროფესორი ჯეიმს რ.დოთი ასევე არის სტენფორდის თანაგრძნობის და ალტრუიზმის კვლევითი ცენტრის (CCARE) დირექტორი, რომლის დაფუძნებელიც დალაი ლამაა. შეხვედრას დაესწრებიან თსუ რექტორი გიორგი შარვაშიძე და მედიცინის ფაკულტეტის დეკანი, პროფესორი დიმიტრი კორძაია.  
პროფესორი ჯეიმს რ.დოთი როგორც მეცენატი მთელი მსოფლიოს გარშემო სამედიცინო კლინიკებს მხარს უჭერს ნეირო-მეცნიერებების მიმართულებით კვლევების განხორციელებაში. მას დიდი წვლილი აქვს შეტანილი ნეიროქირურგიის კათედრის დაფუძნებაში სხვასახვა უნივერსიტეტებში, მათ შორის  სტენფორდში.
სტენფორდის უნივერსიტეტის (აშშ) პროფესორი, ნეიროქირურგი ჯეიმს რ.დოთი საქართველოში „დავით ბეჟუაშვილის განათლების ფონდის“ მოწვევით იმყოფება.
ნახვა »
28/ნოემბერი/2019
33 სურათი
მალაიზიის დელეგაციის ვიზიტი თსუ-ში
ივანე ჯავახიშვილის სახელობის თბილისის სახელმწიფო უნივერსიტეტს მალაიზიის დელეგაცია ესტუმრა პრინცის, მისი აღმატებულება საიდ ფაიზუდინ პუტრას  მეთაურობით. შეხვედრაზე საუბარი შეეხო საქართველოსა და მალაიზიის ურთიერთობებს სხვადასხვა მიმართულებით. დელეგაციის შემადგენლობაში მყოფმა  პერლის უნივერსიტეტის წარმომადგენლებმა ქართულ მხარეს გააცნეს ინფორმაცია უნივერსიტეტის თაობაზე. თსუ რექტორმა გიორგი შარვაშიძემ მალაიზიელ სტუმრებს წარმოუდგინა პრეზენტაცია უნივერსიტეტის შესახებ. შეხვედრაზე უნივერსიტეტებსა და, ზოგადად,  ორივე ქვეყნის საგანმანათლებლო დაწესებულებებს შორის ურთიერთობებზე, შესაძლო გაცვლით პროგრამებსა და მომავალში ერთობლივი პროექტების განხორციელებაზე ისაუბრეს. 
მალაიზიური დელეგაციის ვიზიტის ფარგლებში პერლის უნივერსიტეტისა და თსუ სტუდენტები შეხვდნენ ერთმანეთს. შეხვედრაზე სტუდენტებმა ერთმანეთს გაუზიარეს ინფორმაცია საკუთარ უნივერსიტეტებში სასწავლო პროგრამების, კულტურული და სპორტული აქტივობების შესახებ. თსუ სუდენტური თვითმმართველობის ვიცე-პრეზიდენტი არჩილ ჯავახიშვილი სტუმრებს სტუდენტური ცხოვრების თაობაზე ესაუბრა.
ნახვა »
27/ნოემბერი/2019
8 სურათი
საერთაშორისო კონფერენცია „Making the most of Georgia’s Association to Horizon 2020“

ივანე ჯავახიშვილის სახელობის თბილისის სახელმწიფო უნივერსიტეტში ევროკომისიის, საქართველოს განათლების, მეცნიერების, კულტურისა და სპორტის  სამინისტროსა და თბილისის სახელმწიფო უნივერსიტეტის ორგანიზებით გაიმართა ევროკავშირის კვლევისა და ინოვაციის ჩარჩო პროგრამისადმი მიძღვნილი საერთაშორისო კონფერენცია „Making the most of Georgia’s Association to Horizon 2020“. კონფერენციას თსუ რექტორის მოადგილე  ნინო გვენეტაძე, საქართველოს განათლების, მეცნიერების, კულტურის და სპორტის მინისტრის მოადგილე  ნუნუ მიცკევიჩი და ევროკავშირის ელჩი საქართველოში  კარლ ჰარცელი, ევროკომისიის წარმომადგენლები, ქართველი მკვლევრები დაესწრნენ. 

კონფერენციის  მიზანი საქართველოს მიერ 2016 წელს „ჰორიზონტი 2020“-ში ასოცირებულ წევრად გახდომიდან დღემდე მიღწეული შედეგების შეფასება, ასევე ქართული ორგანიზაციების მხრიდან უფრო წარმატებული განაცხადების მომზადებისათვის გზებისა და პრაქტიკული რჩევების გაცემა იყო.

ნახვა »
27/ნოემბერი/2019
16 სურათი
ახალგაზრდა მეცნიერთა III საერთაშორისო სიმპოზიუმი ჰუმანიტარულ მეცნიერებებში
ივანე  ჯავახიშვილის სახელობის თბილისის სახელმწიფო უნივერსიტეტში გაიხსნა ახალგაზრდა მეცნიერთა III საერთაშორისო სიმპოზიუმი ჰუმანიტარულ მეცნიერებებში. სიმპოზიუმი თსუ ჰუმანიტარულ მეცნიერებათა ფაკულტეტის ორგანიზებით 30 ნოემბრამდე გაგრძელდება.  სპეციალურად სიმპოზიუმისთვის შექმნილ თსუ ჰუმანიტარული ფაკულტეტის ექსპერტთა კომისიის მიერ ორმაგი ანონიმური რეცენზირების შედეგად  შეირჩა 90-მდე ახალგაზრდა მეცნიერის თეზისები. 
სიმპოზიუმში მონაწილეობენ როგორც ქართველი, ასევე უცხოელი მომხსენებლები  იტალიის, საფრანგეთის, პოლონეთის, ლატვიის, სერბეთის, თურქეთის, აზერბაიჯანის, ყირგიზეთის, უზბეკეთის, რუსეთის, საუდის არაბეთის, ინდოეთისა და ბრაზილიის უნივერსიტეტებიდან.

ნახვა »
26/ნოემბერი/2019
5 სურათი
თსუ დელეგაცია ბაქოს სახელმწიფო უნივერსიტეტის 100 წლის იუბილეზე
ივანე ჯავახიშვილის სახელობის თბილისის სახელმწიფო უნივერსიტეტის რექტორმა გიორგი შარვაშიძემ ბაქოს სახელმწიფო უნივერსიტეტს 100 წლის იუბილე მიულოცა. 
უნივერსიტეტის საიუბილეო პროგრამის ფარგლებში დაგეგმილი ღონისძიებები 26 ნოემბერს ქალაქ ბაქოში გაიხსნა და რამდენიმე დღეს გასტანს. თბილისის სახელმწიფო უნივერსიტეტის დელეგაციის შემადგენლობაში იმყოფება ასევე თსუ რექტორის მოადგილე ნინო ოკრიბელაშვილი. 
ბაქოს სახელმწიფო უნივერსიტეტის 100 წლის იუბილეს 4000-ზე მეტი სტუმარი ესწრება ევროპისა და აზიის ქვეყნებიდან. მოწვეულ სტუმრებს შორის არიან სხვადასხვა ქვეყნის უნივერსიტეტის რექტორები და სხვა საპატიო სტუმრები. 
ნახვა »
26/ნოემბერი/2019
7 სურათი
წიგნის „სანივთო სამართალი“ და ჟურნალის „ კერძო სამართლის მიმოხილვა“ პრეზენტაცია
იურიდიული ფაკულტეტის სტუდენტებისთვის სახელმძღვანელო წიგნის „სანივთო სამართალი“ და ჟურნალის „ კერძო სამართლის მიმოხილვა“ პრეზენტაცია გაიმართა ივანე ჯავახიშვილის სახელობის თბილისის სახელმწიფო უნივერსიტეტში.
„სანივთო სამართლის“ ავტორია თსუ იურიდიული ფაკულტეტის დეკანი, ასოცირებული პროფესორი თამარ ზარანდია.„ჩემი ავტორობით გამოიცა - „სანივთო სამართალის“ სახელმძღვანელო სტუდენტებისათვის, რომელიც სამოქალაქო სამართლის უმნიშვნელოვანეს ქვედარგს - სანივთო სამართალს ეხება. წიგნში  სანივთო სამართლის ფუნდამენტური ცნებებია განხილული, ისეთები, როგორიცაა ქონების ცნება. შემდგომი ნაწილები ნივთებთან  ადამიანის ურთიერთობის სამართალია, ფაქტობრივი ურთიერთობები - მფლობელობის  სახით და სამართლებრივი ურთიერთობები საკუთრების სახით. სასწავლო წიგნი თემატურად კოდექსის სისტემას მიჰყვება  და შემდგომი ნაწილები ეხება  სამეზობლო ურთიერთობების, მრავალბინიან სახლებში ბინის საკუთრებისა და სხვისი საკუთრებით შეზღუდული სარგებლობის უფლებებს. წიგნი დაიწერა სტუდენტებისთვის. მასში ბევრი მაგალითია შესული როგორც  გერმანული, ისე ფრანგული სასამართლო პრაქტიკიდან, რომელიც ჩემი განსაკუთრებული ინტერესის სფეროშია. ძალიან მნიშვნელოვანია იურიდიული ფაკულტეტის თანამედროვე კერძო სამართლის ინსტიტუტის მიერ გამოცემული ჟურნალი - „კერძო სამართლის მიმოხილვა“, რომელშიც მკითხველი ჩვენი პროფესორებისა და სტუდენტების სტატიებს იხილავს სამართლის მნიშვნელოვან პრობლემებზე, მათ შორის ასოცირების შეთანხმებიდან გამომდინარე სახელმწიფოს ვალდებულებებზე. თანამედროვე კერძო სამართლის ინსტიტუტი მართლაც გამოირჩევა აკადემიური აქტივობით, რაც უდავოდ მისასალმებელია და ეს გამოცემა ამის კიდევ ერთი კარგი დადასტურებაა, -განაცხადა თამარ ზარანდიამ. 


ნახვა »
« 1 2 3 4 5 ... 183 »