გალერეა

თბილისის ივანე ჯავახიშვილის სახელობის სახელმწიფო უნივერსიტეტში პროექტი „ევროპის უსაფრთხოება და თანამედროვე კონსტიტუციური სახელმწიფო (საქართველოს მაგალითი“ გახსნა. პროექტი მომზადდა და ხორციელდება თსუ იურიდიული ფაკულტეტისა და ღია სასწავლო უნივერსიტეტის პროფესორთა ჯგუფის მიერ, შოთა რუსთაველის საქართველოს ეროვნული სამეცნიერო ფონდის მობილობისა და საერთაშორისო სამეცნიერო ღონისძიებების საგრანტო კონკურსში გამარჯვების შემდგომ. გახსნის ღონისძიებას ესპანეთისა და იტალიის უნივერსიტეტების პროფესორები ესწრებოდნენ.

თბილისის სახელმწიფო უნივერსიტეტის ფსიქოლოგიისა და განათლების მეცნიერებათა ფაკულტეტი ორგანიზებით გაიმართა სამაგისტრო პროგრამების ღია კარის დღე.

სამაგისტრო პროგრამების ღია კარის დღეზე ფაკულტეტის დეკანი, პროფესორი თამარ გაგოშიძე, სამეცნიერო და სასწავლო სამსახურის წარმომადგენლები, ფაკულტეტის სტუდენტური თვითმმართველობის წევრები, ასევე ფსიქოლოგიის დეპარტამენტის სამაგისტრო პროგრამების ხელმძღვანელები პირადად შეხვდნენ დაინტერესებულ პირებს, გააცნეს ინფორმაცია პროგრამაზე სწავლების, საფაკულტეტო აქტივობების, სამეცნიერო საქმიანობის და სხვა საკითხების თაობაზე, ასევე მაგისტრანტობის მსურველებს მიაწოდეს მათთვის მნიშვნელოვანი და საინტერესო ინფორმაცია სამაგისტრო პროგრამების შესახებ.

ივანე ჯავახიშვილის სახელობის თბილისის სახელმწიფო უნივერსიტეტში გაიხსნა პროფესორ ალექსანდრე (შურა) გვახარიას დაბადებიდან 90 წლისთავისადმი მიძღვნილი XIII საფაკულტეტო სამეცნიერო კონფერენცია. გახსნის ღონისძიებას ესწრებოდნენ თსუ რექტორის მოადგილეები ნინო გვენეტაძე და ნინო ოკრიბელაშვილი, ირანის ისლამური რესპუბლიკის ელჩი თბილისში დოქტორ სეიედ ჯავად ყავამ შაჰიდი. კონფერენციის ფარგლებში გაიმართა ალექსანდრე გვახარიასად მიძღვნილი გამოფენა.

კონფერენცია გაგრძელდება 28 ივნისამდე.

ნარკომანიასთან ბრძოლის საერთაშორისო დღესთან დაკავშირებით ივანე ჯავახიშვილის სახელობის თბილისის სახელმწიფო უნივერსიტეტის და ფსიქიკური ჯანმრთელობის და ნარკომანიის პრევენციის ცენტრის ორგანიზებით, საინფორმაციო  კამპანიის "არგასინჯო" ფარგლებში თსუ რექტორის მოადგილის, პროფესორი ნინო ოკრიბელაშვილისა და ცენტრის გენერალური დირექტორის მოადგილის, ექიმი-ნარკოლოგის, გური მენაბდიშვილის ინტერაქტიულ შეხვედრა გაიმართა სტუდენტებთან. 

ივანე ჯავახიშვილის სახელობის თბილისის სახელმწიფო უნივერსიტეტის სტუდენტური კონკურსის „მისია 2019“ ფინალური ტურის  წევრებს კომპანია „ბაზისბანკმა“ „ჰუალინგ თბილისი“ დაათვალიერებინა, ერთ სივრცეში გაერთიანებული ინფრასტრუქტურა და კომპანიის სამომავლო გეგმები გააცნო. „ბაზისბანკის“ წარმომადგენლებმა კონკურსის მონაწილეებს ბანკის ისტორიის, სამოქმედო გეგმის და განხორციელებული პროექტების შესახებ ინფორმაცია მიაწოდეს, რაც სტუდენტებს კონკურსის ფინალური დავალების შესრულებაში დაეხმარება. ფინალისტების დავალება განათლების მხარდაჭერის მიმართულებით სასურველი თემის შერჩევას გულისხმობს, რომელზეც გრძელვადიანი კამპანია და აქტივობები დაიგეგმება.