გალერეა

ივანე ჯავახიშვილის სახელობის თბილისის სახელმწიფო უნივერსიტეტში ლეიდენის უნივერსიტეტის პროფესორმა ტონ ლიფაარდმა საჯარო ლექცია „თავისუფლებააღკვეთილი ბავშვები: ბავშვთა საერთაშორისო უფლებები და ლოკალური გამოწვევები“ წაიკითხა. ლექცია კლევერინგას შეხვედრების ფარგლებში გაიმართა, რომელიც ლეიდენის უნივერსიტეტის პროფესორის რუდოლფ კლევერინგას ცნობილი საპროტესტო გამოსვლის შემდეგ ყოველწლიურად იმართება. 

ივანე ჯავახიშვილის სახელობის თბილისის სახელმწიფო უნივერსიტეტში ჟურნალისტიკის ფაკულტეტის სტუდენტის თათული ღვინიანიძის წიგნის „აღიარება ხელისგულზე“ პრეზენტაცია გაიმართა. რომანმა გაიმარჯვა გამომცემლობა „პალიტრა L“-ის ლიტერატურულ კონკურსში „გახდი ბესტსელერის ავტორი“. წიგნში საუბარია სტუდენტების ცხოვრებაზე.

ივანე ჯავახიშვილის სახელობის თბილისის სახელმწიფო უნივერსიტეტმა გლობალური მეწარმეობის კვირეულის ფარგლებში გამართულ დასაქმების ფორუმში მიიღო მონაწილეობა. თსუ ფორუმზე წარმოდგენილი იყო ამერიკის სახელმწიფო დეპარტამენტის მიერ დაფინანსებული გაცვლითი პროგრამების კურსდამთავრებულების გასაცნობად და მათთან პოტენციური თანამშრომლობის განსახილველად.

ივანე ჯავახიშვილის სახელობის თბილისის სახელმწიფო უნივერსიტეტში საქართველოს კონკურენციის სააგენტოს ორგანიზებით პირველი საერთაშორისო სამეცნიერო-პრაქტიკული კონფერენცია - „კონკურენციის პოლიტიკა: თანამედროვე ტენდენციები და გამოწვევები“ გაიხსნა. ღონისძიების ფარგლებში ხელი მოეწერა ურთიერთთანამშრომლობის მემორანდუმს საქართველოს კონკურენციის სააგენტოსა და ბელარუსის, ესტონეთის, ლატვიის, მოლდოვას და რუმინეთის კონკურენციის უწყებებს შორის.

ქართველმა სპეციალისტებმა, მკვლევრებმა ევროპიდან, ამერიკის შეერთებული შტატებიდან, სომხეთისა და თურქეთის სხვადასხვა სამეცნიერო და სასწავლო ცენტრებიდან წაიკითხეს მოხსენებები ივანე ჯავახიშვილის სახელობის თბილისის სახელმწიფო უნივერსიტეტში ჰუმანიტარულ მეცნიერებათა ფაკულტეტის ხელოვნების ისტორიის და თეორიის ინსტიტუტის ორგანზებით გამართულ საერთაშორისო კონფერენციის „ანისი გზაჯვარედინზე“ გახსნაზე.