გალერეა

ივანე ჯავახიშვილის სახელობის თბილისის სახელმწიფო უნივერსიტეტში „ქართული უნივერსიტეტის საზოგადოების“ აღდგენის ღონისძიება გაიმართა.

საზოგადოება, რომელიც უნივერსიტეტის განვითარებაზე ზრუნვას ისახავს მიზნად, თბილისის სახელმწიფო უნივერსიტეტის კურსდამთავრებულებსა და მის მხარდამჭერებს აერთიანებს.

ქართული უნივერსიტეტის საზოგადოება პირველად 1917 წელს შეიქმნა და კავკასიის რეგიონში პირველი ეროვნული უნივერსიტეტის დაფუძნებას ისახავდა მიზნად.

12 დეკემბერს, 16:00 საათზე, ივანე ჯავახიშვილის სახელობის თბილისის სახელმწიფო უნივერსიტეტში გამოფენა ,,ჩემო კალამო - ილია ჭავჭავაძის შემოქმედება უნივერსიტეტის ბიბლიოთეკაში’’ გაიხსნა.

ილია ჭავჭავაძის დაბადებიდან 180-ე წლის იუბილესთან დაკავშირებით, თბილისის სახელმწიფო უნივერსიტეტის ბიბლიოთეკამ მოამზადა მისი ნაშრომებისა და პუბლიცისტური წერილების გამოფენა.

11 დეკემბერს, 15:00 საათზე, ივანე ჯავახიშვილის სახელობის თბილისის სახელმწიფო უნივერსიტეტში ესეების კონკურსის: „გერმანულ-ქართული ურთიერთობები“ გამარჯვებულთა დაჯილდოების ცერემონია გაიმართა.

კონკურსი გამოცხადდა ივანე ჯავახიშვილის სახელობის თბილისის სახელმწიფო უნივერსიტეტის, საქართველოს გერმანული ენის მასწავლებელთა ასოციაციისა და რაინლანდ ერფტის ლიტერატურული გაერთიანების ორგანიზებით და მიეძღვნა საქართველო-გერმანიის მეგობრობის იუბილეს. კონკურსში მონაწილეობდნენ მოსწავლეები როგორც თბილისიდან, ისე რეგიონების  საჯარო და კერძო სკოლებიდან.

ივანე ჯავახიშვილის სახელობის თბილისის სახელმწიფო უნივერსიტეტში ჰუმანიტარულ მეცნიერებათა ფაკულტეტის ორგანიზებით  ილია ჭავჭავაძის დაბადებიდან 180 წლის იუბილეს ფარგლებში ღონისძიებები გაიმართა:

12 დეკემბერს ჩატარდა საერთაშორისო სამეცნიერო სიმპოზიუმი „ილია ჭავჭავაძე - 180“. სიმპოზიუმში მონაწილეობდნენ ქართველი და უცხოელი მეცნიერები საქართველოს სხვადასხვა უნივერსიტეტიდან და კვლევითი ცენტრიდან, გერმანიის, თურქეთის, რუსეთის, აზერბაიჯანის უნივერსიტეტებიდან და სამეცნიერო ცენტრებიდან.

ივანე ჯავახიშვილის სახელობის თბილისის სახელმწიფო უნივერსიტეტში დათო მაღრაძის ახალი პოეტური კრებულის „AVE, EVA!” წარდგინება გაიმართა. ღონისძიებას თსუ სტუდენტები, პროფესორები, მოწვეული სტუმრები დაესწრნენ.

ივანე ჯავახიშვილის სახელობის თბილისის სახელმწიფო უნივერსიტეტში ჰუმანიტარულ მეცნიერებათა ფაკულტეტის აღმოსავლეთმცოდნეობის სასწავლო-სამეცნიერო ინსტიტუტის სტუდენტთა სამეცნიერო წრის ორგანიზებით აკადემიკოს აპოლონ სილაგაძის ხსოვნისადმი მიძღვნილი ახალგაზრდული სამეცნიერო კონფერენცია გაიმართა.