გალერეა

ივანე ჯავახიშვილის სახელობის თბილისის სახელმწიფო უნივერსიტეტში პროექტის სახელმწიფო ენისა და კონსტიტუციის საფუძვლების დაჩქარებული მეთოდით ინტეგრირებული სწავლების პროგრამა „ვისწავლოთ ქართულის” წარმატებულ მსმენელებსა და პედაგოგებს სერტიფიკატები გადაეცათ. ივანე ჯავახიშვილის სახელობის თბილისის სახელმწიფო უნივერსიტეტმა საქართველოს პრეზიდენტის სარეზერვო ფონდის მიერ დაფინანსებული საპილოტე პროექტის „ვისწავლოთ ქართული" განხორციელება 2015 წელს დაიწყო. პროექტის მიხედვით საქართველოს ეროვნული უმცირესობებით კომპაქტურად დასახლებულ რეგიონებში ქართული ენის დაჩქარებული მეთოდით სწავლების პროგრამა ყველა მსურველს სთავაზობს სახელმწიფო ენის შესწავლას.

ივანე ჯავახიშვილის სახელობის თბილისის სახელმწიფო უნივერსიტეტში უნივერსიტეტის პედაგოგისა და მთარგმნელის მედეა ზაალიშვილის შემოქმედებითი საღამო გაიმართა. მედეა ზაალიშვილი წლების განმავლობაში თარგმნიდა დიდ ინგლისელ და ამერიკელ პოეტთა და პროზაიკოსთა თხზულებებს . მისი თარგმანებიდან გამორჩეულია : უილიამ შექსპირი „ ტიტუს ანდრონიკუსი “, უილიამ შექსპირი „ ვენერა და ადონისი “, ტომას სტერნზ ელიოტი „ უნაყოფო მიწა “, ტომას ვულფისა და შირლი ჯეკსონის მოთხრობები და სხვა .

თსუ სოციალურ და პოლიტიკურ მეცნიერებათა ფაკულტეტზე სტუდენტთა II საფაკულტეტო  სამეცნიერო კონფერენცია გაიხსნა. კონფერენციის ფარგლებში იმუშავებს შემდეგი სექციები: ჟურნალისტიკა და მასობრივი კომუნიკაცია, საზოგადოებრივი გეოგრაფია, საერთაშორისო ურთიერთობები, პოლიტიკის მეცნიერება, სოციოლოგია და სოციალური მუშაობა. კონფერენცია 17 დეკემბერის ჩათვლით გაგრძელდება.

ივანე ჯავახიშვილის სახელობის თბილისის სახელმწიფო უნივერსიტეტმა აღმოსავლეთ ევროპის მე-7 საერთაშორისო კონფერენციას ,,მშობლებისა და სპეციალისტების თანამშრომლობის როლი უსინათლო ბავშვის განათლების პროცესში'' უმასპინძლა. კონფერენცია მიზნად ისახავს უსინათლოთა განათლების სფეროში საერთაშორისო გამოცდილებას გაზიარებას, სამომავლო თემების გამოკვეთას და მთავრობის რეკომენდაციების შემუშავებას. ღონისძიებაზე მოხსენებით გამოვიდნენ სტუმრები ჰოლანდიიდან, სლოვაკეთიდან, პოლონეთიდან, სომხეთიდან, რუმინეთიდან, რუსეთიდან, ყაზახეთიდან, უკრაინიდან და საბერძნეთიდან.

ივანე ჯავახიშვილის სახელობის თბილისის სახელმწიფო უნივერსიტეტში, იურიდიული ფაკულტეტის თანამედროვე კერძო სამართლის ინსტიტუტისა და ა(ა)იპ – თანამედროვე შრომის სამართლის ცენტრის ორგანიზებით, გაიმართა სანქტ-პეტერბურგის სახელმწიფო პოლიტექნიკური უნივერსიტეტის დოცენტის, ელენა სიჩენკოს, საჯარო ლექცია თემაზე – ადამიანის უფლებათა ევროპული კონვენცია, როგორც შრომის სამართლის წყარო. ღონისძიებას ესწრებოდნენ საქართველოს საერთო სასამართლოების მოსამართლეები, პროფესორ-მასწავლებლები და სტუდენტები.

ივანე ჯავახიშვილის სახელობის თბილისის სახელმწიფო უნივერსიტეტში „თსუ ახალგაზრდულმა ცენტრმა“ 1 წლის განმავლობაში გაწეული სამუშაოს ანგარიში წარმოადგინა. ღონისძიების ფარგლებში, თსუ მეშვიდე კორპუსში ქართულ ენაში მომზადების საგანმანათლებლო პროგრამის სტუდენტთათვის დაიდგა “პიტას სურვილების ყუთი“, რომელშიც პროგრამის მონაწილეებს შეეძლებათ თავიანთი იდეების წერილობითი ფორმით განთავსება.
ღონისძიება ჩატარდა "ტოლერანტობის, სამოქალაქო ცნობიერებისა და ინტეგრაციის მხარდაჭერის პროგრამის" [PITA] ფარგლებში, რომელსაც ახორციელებს საქართველოს გაეროს ასოციაცია (UNAG), აშშ-ს საერთაშორისო განვითარების სააგენტოს (USAID) ფინანსური მხარდაჭერით. პროგრამის პარტნიორი ორგანიზაციები არიან „სამოქალაქო ინტეგრაციისა და ეროვნებათშორისი ურთიერთობების ცენტრი“ CCIIR და ივანე ჯავახიშვილის სახელობის თბილისის სახელმწიფო უნივერსიტეტი, რომლებიც თსუ ახალგაზრდული ცენტრის ფუნქციონირებას უზრუნველყოფენ.