გალერეა

ივანე ჯავახიშვილის სახელობის თბილისის სახელმწიფო უნივერსიტეტის ქართულ-ოსურ ურთიერთობათა სამეცნიერო-კვლევითი ცენტრის ორგანიზებით გაიმართა მეოთხე საერთაშორისო სამეცნიერო კონფერენცია: „ქართულ-ოსურ ურთიერთობათა განვითარების პერსპექტივები.“ კონფერენციის თემატიკაა იყო თბილისის უნივერსიტეტის დაარსება და ოსური ენის შესწავლისა და სწავლების საკითხები.

თსუ იურიდიული ფაკულტეტის სტუდენტებს საგამოძიებო სამსახურში სტაჟირების პროგრამასთან დაკავშირებით საქართველოს ფინანსთა სამინისტროს საგამოძიებო სამსახურის უფროსი ლევან გამყრელიძე შეხვდა. საქართველოს ფინანსთა სამინისტროს საგამოძიებო სამსახურში სტაჟირების პროგრამა საუკეთესო შესაძლებლობაა იმ ახალგაზრდებისთვის, ვისაც სურს პროფესიული საქმიანობა და კარიერა დაუკავშიროს საგამოძიებო სამსახურს - სამართალდამცავ უწყებას, რომელიც ქვეყანაში საფინანსო-ეკონომიკურ დანაშაულს ებრძვის.

საქართველოს პრემიერ-მინისტრმა მამუკა ბახტაძემ ფრანკფურტის წიგნის ბაზრობაზე საქართველოს განათლების, მეცნიერების, კულტურისა და სპორტის სამინისტროს სტენდი მოინახულა და სხვადასხვა გამოცემებთან ერთად, თბილისის სახელმწიფო უნივერსიტეტის მრავალფეროვან სამეცნიერო ლიტერატურას გაეცნო. თსუ რექტორმა გიორგი შარვაშიძემ სტუმრებს თსუ-ს 100 წლის იუბილესთან დაკავშირებით გერმანიაში გამოცემული საქართველოს პირველი ეროვნული ატლასი წარუდგინა, სადაც საქართველო საერთაშორისოდ აღიარებულ საზღვრებშია წარმოდგენილი.

საქართველოს შოთა რუსთაველის თეატრისა და კინოს სახელმწიფო უნივერსიტეტში ნართების თქმულებების პირველი თეატრალური წარმოდგენა გაიმართა. უძველესი კავკასიური ეპოსი ახალგაზრდა მსახიობების ჯგუფმა ქართულ და ოსურ ენებზე გააცოცხლეს. ღონისძიებას გახსნა თსუ ქართულ-ოსური ურთიერთობის კვლევითი ცენტრის პროფესორმა და არასამთავრობო ორგანიზაციის „კავკასიური მოზაიკა“ ხელმძღვანელმა ნაირა ბეპიევმა.

ივანე ჯავახიშვილის სახელობის თბილისის სახელმწიფო უნივერსიტეტსა და საქართველოს გაზის ტრანსპორტირების კომპანიას შორის თანამშრომლობის მემორანდუმი გაფორმდა, რომლის საფუძველზეც თსუ-ს წარჩინებული სტუდენტები სტაჟირებას გაივლიან და დასაქმდებიან საქართველოს გაზის ტრანსპორტირების კომპანიაში. მემორანდუმს ხელი თსუ რექტორმა გიორგი შარვაშიძემ და შპს „საქართველოს გაზის ტრანსპორტირების კომპანიის“ გენერალურმა დირექტორმა ჯაბა ხმალაძემ მოაწერეს.

ივანე ჯავახიშვილის სახელობის თბილისის სახელმწიფო უნივერსიტეტისა და გიორგი ახვლედიანის სახელობის ენათმეცნიერების ისტორიის საზოგადოების ერთობლივი საერთაშორისო კონფერენცია - „საერთაშორისო ტერმინოლოგია: თარგმნა და სტანდარტიზაცია“ გაიმართა. კონფერენციის მსვლელობისას განიხილეს საბჭოთა პერიოდის ტერმინოლოგიური პრობლემები და თანამედროვე გამოწვევები.