გალერეა

ივანე ჯავახიშვილის სახელობის თბილისის სახელმწიფო უნივერსიტეტის სტუდენტები წიგნის გამომცემელთა და გამავრცელებელთა ასოციაციის ინიციატივას შეუერთდნენ და მწერალ ბესო სოლომანაშვილთან ერთად მონაწილეობა მიიღეს წიგნის საჯაროდ კითხვის მსოფლიო დღის აღნიშვნაში. მწერალ და რეჟისორ ბესო სოლომანაშვილთან შეხვედრა თსუ წიგნის მაღაზიის ორგანიზებით  გაიმართა. 

ივანე ჯავახიშვილის სახელობის თბილისის სახელმწიფო უნივერსიტეტის 100 წლის საიუბილეო თარიღის აღსანიშნავად საქართველოს ეროვნულმა ბანკმა 5 ლარის ნომინალის ვერცხლის საკოლექციო მონეტა გამოუშვა. საიუბილეო მონეტა საზოგადოებას ეროვნული ბანკის პრეზიდენტმა კობა გვენეტაძემ, თსუ რექტორმა გიორგი შარვაშიძესთან და მონეტის დიზაინერმა ნიტა გონგაძემ წარუდგინეს.

ივანე ჯავახიშვილის სახელობის თბილისის სახელმწიფო უნივერსიტეტში Global TESOL College დირექტორმა, დოქტორმა ჯიმ პელეგრინმა TESOL-ის პროგრამით დაინტერესებული აუდიტორიისათვის - ინგლისური ენის სწავლებისა და პედაგოგიკით დაინტერესებული სტუდენტებისა და პროფესორებისთვის სემინარი გამართა. ღონისძიება კომპანია „სტარაკადემის“ ორგანიზებით ჩატარდა.

წიგნის „ათონი - პატრიარქის გაზაფხული“ პრეზენტაცია გაიმართა ივანე ჯავახიშვილის სახელობის თბილისის სახელმწიფო უნივერსიტეტში. ღონისძიებას თსუ რექტორი გიორგი შარვაშიძე, საქართველოს განათლებისა და მეცნიერების მინისტრი მიხეილ ჩხენკელი, თბილისის სასულიერო აკადემიისა და სემინარიის რექტორი პროტოპრესვიტერი გიორგი ზვიადაძე, საქართველოს საპატრიარქოს წარმომადგენლები და მოწვეული სტუმრები დაესწრნენ. გამოცემის ავტორია “ევროკავშირი-საქართველოს ბიზნეს საბჭოს” გენერალური მდივანი, ქართული უნივერსიტეტის საზოგადოების აღმასრულებელი დირექტორი ზვიად ჭუმბურიძე.

ივანე ჯავახიშვილის სახელობის თბილისის სახელმწიფო უნივერსიტეტში თსუ ეკონომიკისა და ბიზნესის ფაკულტეტის ისტორიის ამსახველი ნაშრომის - ეკონომიკისა და ბიზნესის ფაკულტეტი (1918-2018) პრეზენტაცია გაიმართა. გამოცემა მიეძღვნა უნივერსიტეტის 100 წლის იუბილეს. პრეზენტაციას უძღვებოდა ეკონომიკისა და ბიზნესის ფაკულტეტის დეკანი, გამოცემის სარედაქციო კოლეგიის თავმჯდომარე, პროფესორი თეიმურაზ ბერიძე. პრეზენტაციას ესწრებოდნენ ფაკულტეტის სტუდენტები, პროფესორ-მასწვალებლები, ფაკულტეტის ყოფილი დეკანები და მოწვეული სტუმრები.

ივანე ჯავახიშვილის სახელობის თბილისის სახელმწიფო უნივერსიტეტში კავკასიოლოგიის ინსტიტუტის, "კავკასიელ ქალთა კონგრესის", საქართველოს პრეზიდენტის სარეზერვო ფონდისა და შერიგებისა და სამოქალაქო თანასწორობის საკითხებში სახელმწიფო მინისტრის აპარატის მხარდაჭერით პირველი ქისტი განმანათლებლის მათე ალბუთაშვილის ხსოვნის საღამო გაიმართა.