გალერეა

ივანე ჯავახიშვილის სახელობის თბილისის სახელმწიფო უნივერსიტეტის საერთაშორისო სამართლის ინსტიტუტმა და სისხლის სამართლის სფეროში  საერთაშორისო თანამშრომლობის სასწავლო და კვლევითმა ცენტრმა ჰოლოკოსტის მსხვერპლთა ხსოვნის საერთაშორისო დღისადმი მიძღვნილ სამეცნიერო კონფერენციას „ჰოლოკოსტი და გენოციდის კვლევა ადამიანის უფლებების ჭრილში“ უმასპინძლა.

ივანე ჯავახიშვილის სახელობის თბილისის სახელმწიფო უნივერსიტეტსა და რამდენიმე წარმატებულ კერძო კომპანიას შორის თანამშრომლობის მემორანდუმი გაფორმდა. მემორანდუმი თსუ-სა და საქართველოს ბანკს, UGT-ს, OK GROUP-ს, ნიკორა თრეიდს, თეგეტა მოტორსსა და ფინკა ბანკთან მჭიდრო ურთიერთთანამშრომლობას გულისხმობს. თანამშრომლობა კერძო კომპანიების მხრიდან თსუ სტუდენტებისა და კურსდამთვრებულთათვის ვაკანსიების, სტაჟირებისა და პროფესიული განვითრების სხვა შესაძლებლობების შეთავაზებას ისახავს მიზნად.

ზოგადი განათლების მიზნებსა და პერსპექტივებს მიეძღვნა  მსოფლიო ბანკის მიერ მომზადებული ანგარიში „განათლების შესაძლებლობების სრულად გამოყენების გზების ძიება“.  საქართველოს განათლებისა და მეცნიერების სამინისტროსთან ერთად მომზადებული ანგარიშის პრეზენტაცია ივანე ჯავახიშვილის სახელობის თბილისის სახელმწიფო უნივერსიტეტში გაიმართა.

საქართველოში პირველი საუნივერსიტეტო ონლაინ მაღაზია www.tsustore.ge ივანე ჯავახიშვილის სახელობის თბილისის სახელმწიფო უნივერსიტეტში გაიხსნა. პროექტი თსუ-სა და თიბისი ბანკის თანამშრომლობის ფარგლებში ხორციელდება. ონლაინ მაღაზიაში წარმოდგენილია სამოსი და აქსესუარები თსუ ბრენდირებით.  თსუ-ის ბრენდირებული პროდუქციის მიღება შეუძლია ნებისმიერ მსურველს.

ივანე ჯავახიშვილის სახელობის თბილისის სახელმწიფო უნივერსიტეტში სტუდენტური კრებულის - „პოსტმოდერნისტული „კომბლე” - პრეზენტაცია გაიმართა. კრებულმა გააერთიანა სტუდენტთა ორიგინალური თხზულებები, რომლებიც პოსტმოდერნისტულ ყაიდაზეა შექმნილი და ქართული ხალხური ზღაპრის „კომბლეს“ თანამედროვე ვერსიას წარმოადგენს.

ივანე ჯავახიშვილის სახელობის თბილისის სახელმწიფო უნივერსიტეტში მედიცინის მეცნიერებათა უნივერსიტეტის (თურქეთი) დელეგაციასთან შეხვედრა გაიმართა. შეხვედრას თსუ რექტორის მოადგილე სამეცნიერო დარგში ალექსანდრე ცისკარიძე, მედიცინის ფაკულტეტის, საგარეო ურთიერთობის დეპარტამენტის წარმომადგენლები, მედიცინის მეცნიერებათა უნივერსიტეტის (თურქეთი), ევრაზიის ჯანმრთელობისა და სოციალური კვლევების კვლევითი ცენტრის წარმომადგენლები ესწრებოდნენ.