გალერეა

ივანე ჯავახიშვილის სახელობის თბილისის სახელმწიფო უნივერსიტეტის საერთაშორისო სამართლის ინსტიტუტმა აღმოსავლეთ-დასავლეთ მართვის ინსტიტუტის „კანონის უზენაესობის მხარდაჭერა საქართველოში“ (PROLoG) პროგრამასთან თანამშრომლობით  გამართა გენდერული ძალადობის წინააღმდეგ 16 დღიანი კამპანიისადმი მიღვნილ სამეცნიერო კონფერენცია - "ქალის უფლებები სამართლებრივ დისკორსში". კონფერენციის მიზანია ქალის უფლებების შესახებ საერთაშორისო სტანდარტებისა და პრაქტიკის გარშემო აკადემიური დებატის წახალისება საქართველოში.

ივანე ჯავახიშვილის სახელობის თბილისის სახელმწიფო უნივერსიტეტში  გაიხსნა კავკასიოლოგთა IV საერთაშორისო კონგრესი,  რომლის თემაა „დამწერლობები კავკასიაში“. კონგრესის მიზანია კავკასიის დამწერლობებთან დაკავშირებულ პრობლემათა ინტერდისციპლინური კვლევა და სათანადო საკითხების მეცნიერული ანალიზი. კონგრესში მონაწილეობენ საერთაშორისო კავკასიოლოგიური კვლევითი ცენტრებისა და უნივერსიტეტების მეცნიერი მკვლევრები. ღონისძიებას თსუ რექტორი გიორგი შარვაშიძე, განათლებისა და მეცნიერების სამინისტროს წარმომადგენლები, ქართველი და უცხოელი კავკასიოლოგები, სტუდენტები ესწრებოდნენ.

ივანე ჯავახიშვილის სახელობის თბილისის სახელმწიფო უნივერსიტეტმა   გამოყენებითი ბიომეცნიერებებისა და ბიოტექნოლოგიის დარგში ჩართულ ინდუსტრიის წარმომადგენლების შეხვედრას უმასპინძლა. ღონისძიების მიზანია საქართველოში ბიომეცნიერებისა და ბიოტექნოლოგიების დარგის განვითარების ხელშეწყობა, უნივერსიტეტსა და ინდუსტრიას შორის თანამშრომლობის გაღრმავება და თანამედროვე, ინოვაციური სასწავლო პროგრამების განხორციელება დარგის მაღალკვალიფიციური სპეციალისტების მომზადების მიზნით, მათ შორის კვების, ჯანდაცვის, გარემოს დაცვისა და აგრობიოტექნოლოგიების მიმართულებით.

ივანე ჯავახიშვილის სახელობის თბილისის სახელმწიფო უნივერსიტეტის ბიბლიოთეკაში ფრანგული  კულტურის და ქართველ ხალხთან მეგობრობის ასოციაციის - „გაუმარჯოს საქართველოს“ პრეზიდენტის ტიერი ბერიშვილის საჯარო ლექცია „ლევილის ქართული მამულის ისტორია“ გაიმართა. ლექციაზე ტიერი ბერიშვილმა ისაუბრა 1922 წელს საქართველოს დემოკრატიული რესპუბლიკის  მთავრობის მიერ, საფრანგეთში, ლევილის მამულის შესყიდვის, ლევილის მამულში ქართველ პოლიტიკურ და კულტურული ემიგრაციის ცენტრის შექმნის შესახებ; ქართველი ემიგრანტების ლევილის მამულში მოღვაწეობასა და მამულის 84 წლიან ისტორიაზე. ლექციის დასკვნითი ნაწილი დაეთმო ლევილის ისტორიული მამულის საქართველოსთვის გადმოცემასთან დაკავშირებით გამართული მოლაპარაკებების 24 წლიან ისტორიას.

30 დეკემბერს ივანე ჯავახიშვილის სახელობის თბილისის სახელმწიფო უნივერსიტეტში ჰუმანიტარული მეცნიერებათა ფაკულტეტის ორგანიზებით გაიმართა სტუდენტთა სამეცნიერო კონფერენცია თემაზე - რელიგიათა დიალოგი: ,,რა გვაახლოებს და რა გვაშორებს’’.

2–3 ნოემბერს ივანე ჯავახიშვილის სახელობის თბილისის სახელმწიფო უნივერსიტეტში არასამთავრობო ორგანიზაცია YES Georgia-ს ინიციატივით საერთაშორისო სისხლის სამართლის იმიტირებული პროცესი გაიმართა. პროექტის გამარჯვებული გუნდის ოთხივე წევრი თსუ–ს იურიდიული ფაკულტეტის სტუდენტია ( ნანა აღლემაშვილი, ემელიანე კილაძე, მარიამ ბრეგაძე, ინა გრიგალაშვილი). გამარჯვებულები მარტში გაემგზავრებიან პოლონეთში და საერთაშორისო იმიტირებულ პროცესში მიიღებენ მონაწილეობას.