გალერეა

ივანე ჯავახიშვილის სახელობის თბილისის სახელმწიფო უნივერსიტეტში სტუდენტური პროექტის  "ნიკოლოზ ბარათაშვილის პოეტურ-პუბლიცისტური ნიმუშების ენობრივი თავისებურებანი" პრეზენტაცია გაიმართა. ღონისძიებაზე სტუდენტებმა წარმოადგინეს სალექსიკონო მასალა ნიკოლოზ ბარათაშვილის პოეტურ და ეპისტოლარულ ნიმუშებში დადასტურებული ანთროპონიმების, ტოპონიმების, ჰიდრონიმების, საბრძოლო იარაღებისა და რელიგიური ტერმინების, ყოფითი რეალიების ამსახველი ლექსიკური ერთეულების მიხედვით; ამ ლექსემების ლექსიკურ-გრამატიკულ თავისებურებათა ანალიზი ენის ისტორიის გათვალისწინებით.

ივანე ჯავახიშვილის სახელობის თბილისის სახელმწიფო უნივერსიტეტში თსუ ანდრია რაზმაძის სახელობის მათემატიკის ინსტიტუტის მთავარმა მეცნიერ-თანამშრომელმა თორნიკე ქადეიშვილმა გამართა პოპულარული ლექციები - მათემატიკა ყველგან: ნიუტონის ქრონოლოგია - როდის შედგა არგონავტების მოგზაურობა; რომელი კალენდარია ”უფრო სწორი”, იულიუსის თუ გრეგორის? უცნაური პერიოდულობები ისტორიაში; მარტივი წინადადების ტოპოლოგია; მოსახლეობის ზრდის ექსპონენციალური და ჰიპერბოლური მოდელები - ემუქრება თუ არა დედამიწას დემოგრაფიული კატასტროფა.

ივანე ჯავახიშვილის სახელობის თბილისის სახელმწიფო უნივერსიტეტში ასისტენტ პროფესორმა გიორგი დვალაშვილმა მეცნიერებისა და ინოვაციების საერთაშორისო ფესტივალის ფარგლებში, საჯარო ლექცია „საქართველოს ბუნების საოცრებანი“ გამართა.

ესენის უნივერსიტეტის პროფესორმა, ენდოკრინული ქირურგიის კათედრის გამგემ ჰენინგ დრალემ თბილისის სახელმწიფო უნივერსიტეტში ფარისებრი ჯირკვლის ავთვისებიანი სიმსივნის ქირურგიული მკურნალობის თანამედროვე მეთოდების შესახებ ლექცია წაიკითხა. ლექციის შემდეგ ჰენინგ დრალესა და  თსუ-ის რექტორის მოადგილეს მიხეილ ჩხენკელს შორის შეხვედრა გაიმართა, რომელზეც ესენის უნივერსიტეტის ენდოკრინული ქირურგიის კათედრაზე ქართველი სტუდენტების მიერ პრაქტიკის გავლის პერსპექტივებზე ისაუბრეს.

ივანე ჯავახიშვილის სახელობის თბილისის საელმწიფო უნივერსიტეტში მეცნიერებისა და ტექნოლოგიების სფეროში ევროპული თანამშრომლობის პროგრამის “COST Actions” საინფორმაციო დღე გაიმართა. ღონისძიება მეცნიერებისა და ინოვაციების საერთაშორისო ფესტივალის ფარგლებში, საქართველოს განათლებისა და მეცნიერების სამინისტროს ორგანიზებითა და  COST ასოციაციის ხელშეწყობით ჩატარდა.

თსუ არნოლდ ჩიქობავას სახელობის ენათმეცნიერების ინსტიტუტში მეცნიერებისა და ინოვაციების საერთაშორისო ფესტივალის ფარგლეში "ქართული ენის სიტყვათშემოკლებათა ელექტრონული ლექსიკონის"; მონოგრაფიის "სახელმწიფო ენის ოფიციალურ-საქმიანი სფერო-საჯარო მოხელის ორთოგრაფიულ-სტილისტიკური ლექსიკონი"; კრებსითი დიალექტოლოგიური ელექტრონული ლექსიკონის - პრეზენტაცია გაიმართა.