ალბომი „ადგილობრივი თვითმმართველობის არჩევნები საქართველოს დემოკრატიულ რესპუბლიკაში“
28 ივნისი, 2019
ორენოვანი ალბომის პრეზენტაცია გაიმართა თბილისის სახელმწიფო უნივერსიტეტში. ალბომში წარმოდგენილია 1918-1921 წლებში საქართველოს დემოკრატიული რესპუბლიკაში გამართული ადგილობრივი თვითმმართველობის არჩევნების შესახებ მასალები: საარჩევნო კანონმდებლობა; არჩევნების მომზადების პროცესი და ხარჯთაღრიცხვა; საარჩევნო სუბიექტებისა და საარჩევნო კამპანიის შესახებ ინფორმაცია; არჩევნების შედეგების ამსახველი დოკუმენტები; არჩეულ პირთა ფოტოები და ბიოგრაფიული ცნობები; 1921 წლის იანვარ-თებერვალში დაწყებული თვითმმართველობების ახალი არჩევნების სამზადისის შესახებ ინფორმაცია.
ქართულ-ინგლისური ალბომი დამოუკიდებლობის კვირეულის ფარგლებში თბილისის სახელმწიფო უნივერსიტეტის, ცენტრალური საარჩევნო კომისიისა და საარჩევნო სისტემების საერთაშორისო ფონდის (IFES) ურთიერთთანამშრომლობის შედეგად მომზადდა და გამოიცა.