კონკურსი „სტუდენტები სოციალური მეწარმეობის მხარდასაჭერად - 2016“ დაიწყო!

23, 26, 29 თებერვალს, სტუდენტური კონკურსის „სტუდენტები სოციალური მეწარმეობის მხარდასაჭერად - 2016“ ფარგლებში, კონკურსის ორგანიზატორები დაინტერესებული სტუდენტებისათვის გამართავენ ერთდღიან საინფორმაციო სემინარებს საქართველოს ინოვაციებისა და ტექნოლოგიების სააგენტოს ტექნოპარკში და კონკურსში მონაწილეობის მსურველებს გააცნობენ სოციალური მეწარმეობის კონცეფციას, კონკურსის სპეციფიკასა და მიმდინარეობას. გარდა ამისა, სტუდენტებს საშუალება ექნებათ გაეცნონ საინფორმაციო ტურის განმავლობაში ტექნოპარკში არსებულ ინოვაციურ ტექნოლოგიებს.

თუ ხარ სტუდენტი, გსურს შენი ცოდნით დაეხმარო სოციალურ საწარმოებს კონკრეტული პრობლემების გადაჭრაში და მოიგო მნიშვნელოვანი პრიზები, ან თავად შეიმუშავო სოციალური საწარმოების ბიზნეს-გეგმა და მის განსახორციელებლად მოიპოვო დაფინანსება - ჩაერთე კონკურსში!

კონკურსი ღიაა თბილისის ყველა უმაღლესი სასწავლებელის სტუდენტისთვის და ის გაიმართება 2 ნომინაციაში:

1.ნომინაცია - ბიზნეს პროექტის შემუშავება და განხორციელება;
2.ნომინაცია - ახალი სოციალური საწარმოს ბიზნეს-გეგმის შექმნა

თითოეულ ნომინაციაში მონაწილეობას მიიღებს 4 სტუდენტისაგან შემდგარი 12-12 გუნდი.
სემინარში მონაწილეობის მისაღებად აუცილებელია წინასწარი რეგისტრაცია, რისთვისაც რეგისტრაციის ველში მონიშნეთ თქვენთვის სასურველი თარიღი.
სემინარზე დამსწრეთა რაოდენობა მკაცრადაა შეზღუდული, იმ შემთხვევაში, თუ აპლიკაცია აღარ დაგარეგისტრირებთ (გარკვეული რაოდენობის შემდგომ სარეგისტრაციო ფორმა იხურება), დაგვიკავშირდით და სურვილის შემთხვევაში დავგეგმავთ საინფორმაციო შეხვედრას ოფისში.

სარეგისტრაციო ბმული:
https://goo.gl/RmD5JJ

კონკურსის ორგანზატორები უზრუნველყოფენ სემინარის მონაწილეების ტრანსპორტირებას რუსთაველის მეტრო - ტექნო პარკი - რუსთაველის მეტრო (სასტუმრო რედისონის მიმდებარედ).

კონკურსის შესახებ დამატებითი ინფორმაცია:
Facebook.com - სოციალური მეწარმეობის ცენტრი
http://www.segeorgia.org/
http://www.gosocialenterprise.ge/