ENG / GEO
ახალი ამბები განათლება მეცნიერება კულტურა და სპორტი გალერეა

ექსპერტებისა და საქართველოს კვლევითი უნივერსიტეტების რექტორების სამუშაო შეხვედრა

ექსპერტებისა და საქართველოს კვლევითი უნივერსიტეტების რექტორების სამუშაო შეხვედრა
4 დეკემბერი, 2017
ივანე ჯავახიშვილის სახელობის თბილისის სახელმწიფო უნივერსიტეტში ევროკავშირის სპეციალური მხარდამჭერი ინსტრუმენტის - Policy Support Facility ფარგლებში, ექსპერტებისა და საქართველოს კვლევითი უნივერსიტეტების რექტორების სამუშაო შეხვედრა გაიმართა.

Policy Support Facility გულისხმობს დამოუკიდებელი, საერთაშორისო ექსპერტების მხრიდან რეკომენდაციის შემუშავებას საქართველოს მეცნიერების, ტექნოლოგიებისა და ინოვაციების (STI) სისტემის გაძლიერების მიზნით.

საერთაშორისო საექსპერტო პანელის თავმჯდომარეა პიტერ ჰონეთი, შვედეთის მთავრობის უმაღლესი განათლებისა და მეცნიერების ყოფილი სახელმწიფო მდივანი, ევროკავშირის ერთობლივი კვლევითი ცენტრის მმართველი საბჭოს წევრი. პანელის შემადგენლობაში არიან ექსპერტები ავსტრიიდან, ჩეხეთის რესპუბლიკიდან, გერმანიიდან, პოლონეთიდან და გაერთიანებული სამეფოდან. ვიზიტის დასრულების შემდეგ, საერთაშორისო ექსპერტთა პანელი საქართველოს ოფიციალურ სტრუქტურებს და პირებს წარუდგენს რეკომენდაციებს კვლევის, ტექნოლოგიისა და ინოვაციის განვითარების მიზნით შემდეგ საკითხებზე: მეცნიერების სფეროში ძლიერი მხარეების იდენტიფიცირება; მეცნიერებასა და ინდუსტრიას/ბიზნესს შორის თანამშრომლობის გაძლიერება; შესრულების ინდიკატორებზე დაყრდნობით მეცნიერების სისტემის დაფინანსების სქემის შემუშავება.

სხვა სტატიები »